Surah Al-Layl in mdh

وَٱلَّيۡلِ إِذَا يَغۡشَىٰ

Idsapa ku kanu magabi amayka egkalibuteng.

وَٱلنَّهَارِ إِذَا تَجَلَّىٰ

Idsapa ku kanu malamag amayka egkaliwanag.

وَمَا خَلَقَ ٱلذَّكَرَ وَٱلۡأُنثَىٰٓ

Idsapa ku kanu namaluy sa mama endu babay.

إِنَّ سَعۡيَكُمۡ لَشَتَّىٰ

Saben-sabenal na langun u galebekan nu na midsempad-sempad.

فَأَمَّا مَنۡ أَعۡطَىٰ وَٱتَّقَىٰ

Na makapantag kanu entayn i taw a mangalimuwan (kanu inisapal nu Allah).

وَصَدَّقَ بِٱلۡحُسۡنَىٰ

Endu pangimbenalin nin su mapya (laa ilaaha illallah/sulga/balas).

فَسَنُيَسِّرُهُۥ لِلۡيُسۡرَىٰ

Na pakalemuwan nami sekanin sa kanggalebek kanu mapya.

وَأَمَّا مَنۢ بَخِلَ وَٱسۡتَغۡنَىٰ

Endu makapantag kanu entayn i taw a midsingit endu mimamasela.

وَكَذَّبَ بِٱلۡحُسۡنَىٰ

Endu pinandalbut nin su mapya (laa ilaaha illallah/sulga/balas).

فَسَنُيَسِّرُهُۥ لِلۡعُسۡرَىٰ

Na pakalemuwan nami sekanin kanu kinanggalebekin sa da lantekin.

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Endu di den makambalaguna sa lekanin su tamukin amayka mawlug den sekanin (sa naraka).

إِنَّ عَلَيۡنَا لَلۡهُدَىٰ

Saben-sabenal a sya sa lekami su tidtu a tutulu.

وَإِنَّ لَنَا لَلۡأٓخِرَةَ وَٱلۡأُولَىٰ

Endu saben-sabenal a lekami su mawli (akhirat) endu su mawna (dunya).

فَأَنذَرۡتُكُمۡ نَارٗا تَلَظَّىٰ

Na pinayngatan ku sa lekanu su apuy a pegkalaw-kalaw.

لَا يَصۡلَىٰهَآ إِلَّا ٱلۡأَشۡقَى

Da makaludep lun ya tabya na dupang.

ٱلَّذِي كَذَّبَ وَتَوَلَّىٰ

Su taw a pinandalebut nin su Nabi endu su taw a tinumaligkud kanu kapalityala.

وَسَيُجَنَّبُهَا ٱلۡأَتۡقَى

Endu di ebplis na itangka nu Allah (sa naraka) su taw a labi a magilek.

ٱلَّذِي يُؤۡتِي مَالَهُۥ يَتَزَكَّىٰ

Sekanin antu a ibpagenggay nin su tamukin ka endu masuti (pedzakat).

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Endu da sa kanu isa bu a taw i ya nin kabpangalimuwan kanu tamukin i kapamalasan.

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ya tabya na pananangulin kanu Kadenan in a labi a mapulu.

وَلَسَوۡفَ يَرۡضَىٰ

Endu saben-sabenal a di ebplis na kalilinyan nin su ipamalas lun (sa labi a masela kanu nakapangalimuwan nin).