Surah Ad-Duhaa in mdh

وَٱلضُّحَىٰ

Idsapa ku kani salindaw nu kagkapita.

وَٱلَّيۡلِ إِذَا سَجَىٰ

Endu idsapa ku kanu magabi amayka egkalibuteng.

مَا وَدَّعَكَ رَبُّكَ وَمَا قَلَىٰ

Da ka padtadaya (Muhammad) nu Kadenan nengka endu da ka nin kalipungeti.

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Endu saben-sabenal na su egkawli (akhirat) na ya labi a mapya sa leka kumin kanu nawna (dunya).

وَلَسَوۡفَ يُعۡطِيكَ رَبُّكَ فَتَرۡضَىٰٓ

Endu saben-sabenal na di ebplis na inggay sa leka nu Kadenan nengka na kalilinyan nengka.

أَلَمۡ يَجِدۡكَ يَتِيمٗا فَـَٔاوَىٰ

Ngintu da ka nin matun (Muhammad) sa wata na ilu?

وَوَجَدَكَ ضَآلّٗا فَهَدَىٰ

Endu natun ka nin sa tadin (di nengka katawan su Qur’an) na tinutulu ka nin.

وَوَجَدَكَ عَآئِلٗا فَأَغۡنَىٰ

Endu natun ka nin sa miskinan na pinagkawasa ka nin.

فَأَمَّا ٱلۡيَتِيمَ فَلَا تَقۡهَرۡ

Na su wata a ilu na di ka mameges (kalalim).

وَأَمَّا ٱلسَّآئِلَ فَلَا تَنۡهَرۡ

Endu su ebpamangeni na di ka kumagkag.

وَأَمَّا بِنِعۡمَةِ رَبِّكَ فَحَدِّثۡ

Endu su limu (kabpagagama) nu Kadenan nengka na pamanudtul ka.