Surah Ad-Duhaa in Swahili

وَٱلضُّحَىٰ

Naapa kwa mchana! [1]

[1] Naapa kwa wakati wa kupanda juu jua, na ni wakati wa uchangamfu na kazi!

وَٱلَّيۡلِ إِذَا سَجَىٰ

Na kwa usiku unapo tanda! [2]

[2] Na naapa kwa usiku unapo tulia na ukatanda kote kiza chake!

مَا وَدَّعَكَ رَبُّكَ وَمَا قَلَىٰ

Mola wako Mlezi hakukuacha, wala hakukasirika nawe. [3]

[3] Ewe Muhammad! Mola wako Mlezi hakukuacha, wala hakukuchukia.

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na bila ya shaka wakati ujao utakuwa bora kwako kuliko ulio tangulia. [4]

[4] Na matokeo ya mambo yako, mwisho wake, yatakuwa bora kuliko mwanzo wake.

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Mola wako Mlezi atakupa mpaka uridhike. [5]

[5] Na ninaapa kuwa bila ya shaka hapo Mola wako Mlezi atakupa kheri za duniani na Akhera hata utaridhia.

أَلَمۡ يَجِدۡكَ يَتِيمٗا فَـَٔاوَىٰ

Kwani hakukukuta yatima akakupa makaazi? [6]

[6] Kwani hakukukuta wewe yatima unahitaji wa kukutunza naye akakupa makaazi ya kukuhifadhi kwa mwenye kukuangalia vyema kwa mambo yako?

وَوَجَدَكَ ضَآلّٗا فَهَدَىٰ

Na akakukuta umepotea akakuongoa? [7]

[7] Na akakuona umebabaika hukukinaika na itikadi zilizo kuzunguka, naye akakuongoa kwenye Njia ya Haki?

وَوَجَدَكَ عَآئِلٗا فَأَغۡنَىٰ

Akakukuta mhitaji akakutosheleza? [8]

[8] Akakukuta fakiri wa mali naye akakutajirisha kwa kukupa riziki?

فَأَمَّا ٱلۡيَتِيمَ فَلَا تَقۡهَرۡ

Basi yatima usimwonee! [9]

[9] Ikiwa hii ndiyo hali yetu nawe, basi yatima usimdhili,

وَأَمَّا ٱلسَّآئِلَ فَلَا تَنۡهَرۡ

Na anaye omba au kuuliza usimkaripie! [10]

[10] Na mwenye kuomba au kuuliza usimjibu kwa ukavu,

وَأَمَّا بِنِعۡمَةِ رَبِّكَ فَحَدِّثۡ

Na neema za Mola wako Mlezi zisimlie. [11]

[11] Na ama neema za Mola wako Mlezi zitangaze kwa kumshukuru Mwenyezi Mungu kuwa ndio kudhihirisha neema.