Surah Al-Balad in mdh

لَآ أُقۡسِمُ بِهَٰذَا ٱلۡبَلَدِ

Inidsapa ku kanu niyaba a dalpa (Makkah).

وَأَنتَ حِلُّۢ بِهَٰذَا ٱلۡبَلَدِ

Endu seka (Muhammad) na daludaya ka kanu nyaba a dalpa.

وَوَالِدٖ وَمَا وَلَدَ

Endu idsapa ku kanu (Adam) endu su nganin a madtupu nin.

لَقَدۡ خَلَقۡنَا ٱلۡإِنسَٰنَ فِي كَبَدٍ

Saben-sabenal na binaluy nami su manusya sa kamalasayan.

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Ngin i ka-antapin da den makagaga sa lekanin apya isa bu?

يَقُولُ أَهۡلَكۡتُ مَالٗا لُّبَدًا

Ya nin pidtalu na “Nagudal aku sa tamuk a madakel (si Abu Jahl na nagudal sa tamuk sa kinambunwa sa Badr).”

أَيَحۡسَبُ أَن لَّمۡ يَرَهُۥٓ أَحَدٌ

Ngintu egka-antap in sa da den nakailay lun apya isa bu?

أَلَمۡ نَجۡعَل لَّهُۥ عَيۡنَيۡنِ

Ngintu da nami baluya sa lekanin i duwa a mata?

وَلِسَانٗا وَشَفَتَيۡنِ

Na endu dila endu duwa a bibil?

وَهَدَيۡنَٰهُ ٱلنَّجۡدَيۡنِ

Endu tinutulu nami sekanin (manusya) sa duwa a lalan (mapya endu mawag)?

فَلَا ٱقۡتَحَمَ ٱلۡعَقَبَةَ

Da nin tinggapasi su Aqabah.

وَمَآ أَدۡرَىٰكَ مَا ٱلۡعَقَبَةُ

Endu di nengka katawan ngin i Aqabah?

فَكُّ رَقَبَةٍ

Kabukawa (maradika) sa ulipen.

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Ataw ka kapakan kanu timpu a penggutem a benal su taw.

يَتِيمٗا ذَا مَقۡرَبَةٍ

Endu kanu manga wata ilu a pagali.

أَوۡ مِسۡكِينٗا ذَا مَتۡرَبَةٖ

Ataw ka su miskin a mimbudta (sangat a kapasangin).

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Ulyanin, naaden sekanin sa ped kanu manga namalityala endu inipamagindawa nilan su kadsabar endu inipamangindawa nilan su kagkakalimuwa.

أُوْلَٰٓئِكَ أَصۡحَٰبُ ٱلۡمَيۡمَنَةِ

Silan ba antu i kigkuwan kanu Maymanah (manga taw a ya nilan makakawa kanu kitab nilan na su kawanan a lima nilan).

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Endu silan antu a migkafir kanu manga tanda nami na silan su kigkuwan kanu Mash-amah (manga taw a ya nilan makakawa kanu kitab nilan na su biwang a lima nilan).

عَلَيۡهِمۡ نَارٞ مُّؤۡصَدَةُۢ

Patut sa kanilan i makaludep kanu naraka sa kadtileban silan.