Surah Al-Ala in mdh

سَبِّحِ ٱسۡمَ رَبِّكَ ٱلۡأَعۡلَى

Tasbih ka (Muhammad) su ingala nu Kadenan nengka a pinakamapulu.

ٱلَّذِي خَلَقَ فَسَوَّىٰ

A namaluy sa manusya sa nakandadayta.

وَٱلَّذِي قَدَّرَ فَهَدَىٰ

Endu minukul a timutulu.

وَٱلَّذِيٓ أَخۡرَجَ ٱلۡمَرۡعَىٰ

Endu napalyu kanu manga bangengetu’.

فَجَعَلَهُۥ غُثَآءً أَحۡوَىٰ

Na binaluy nin intu a magangu a maytem.

سَنُقۡرِئُكَ فَلَا تَنسَىٰٓ

Di sumala na pabatiyan nami seka (Muhammad) na di nengka kalipatanan.

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Ya tabya na nganin a egkahandan nu Allah ka saben-sabenal na katawan nin su mapayag endu nganin a ipedsulen.

وَنُيَسِّرُكَ لِلۡيُسۡرَىٰ

Endu pakalemuwan nami seka kanu malemu.

فَذَكِّرۡ إِن نَّفَعَتِ ٱلذِّكۡرَىٰ

Na patadem ka (Muhammad) amayka makangguna sa kanilan su patadem.

سَيَذَّكَّرُ مَن يَخۡشَىٰ

Ya ma-indaw na su magilek.

وَيَتَجَنَّبُهَا ٱلۡأَشۡقَى

Endu tangkan intuba (a patadem) nu manga dupang.

ٱلَّذِي يَصۡلَى ٱلنَّارَ ٱلۡكُبۡرَىٰ

A pakaludep sa naraka a masla.

ثُمَّ لَا يَمُوتُ فِيهَا وَلَا يَحۡيَىٰ

Mawli na da kapatay lun endu da kawyag.

قَدۡ أَفۡلَحَ مَن تَزَكَّىٰ

Saben-sabenal na badtugan den su entayn i midsuti (nag-Islam).

وَذَكَرَ ٱسۡمَ رَبِّهِۦ فَصَلَّىٰ

Endu tinademanin su ingalan nu Kadenan in na midsambayang.

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Kena besen! Ka ibelabi nu su uyag-uyag sya sa dunya.

وَٱلۡأٓخِرَةُ خَيۡرٞ وَأَبۡقَىٰٓ

Endu su akhirat na ya labi a mapya endu tanikyasa.

إِنَّ هَٰذَا لَفِي ٱلصُّحُفِ ٱلۡأُولَىٰ

Saben-sabenal i namba na nadalem kanu Suhuf (manga kitab) a nangawna.

صُحُفِ إِبۡرَٰهِيمَ وَمُوسَىٰ

Kanu Suhuf ni Ibrahim endu Musa.