Surah At-Tariq in mdh

وَٱلسَّمَآءِ وَٱلطَّارِقِ

Idsapa ku kanu langit endu Taariq.

وَمَآ أَدۡرَىٰكَ مَا ٱلطَّارِقُ

Endu di nengka katawan (Muhammad) u ngin i Taariq?

ٱلنَّجۡمُ ٱلثَّاقِبُ

Bitun a matayaw.

إِن كُلُّ نَفۡسٖ لَّمَّا عَلَيۡهَا حَافِظٞ

Uman isa a balangyawa na aden lun i pedtiyakap.

فَلۡيَنظُرِ ٱلۡإِنسَٰنُ مِمَّ خُلِقَ

Na edsulimanen nu manusya u ngin i binaluyan lun.

خُلِقَ مِن مَّآءٖ دَافِقٖ

Binaluy a ebpun sa ig a pedsumpit.

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Bpeliyu ebpun kanu pageletan u taldas nu mama endu laleb nu babay.

إِنَّهُۥ عَلَىٰ رَجۡعِهِۦ لَقَادِرٞ

Saben-sabenal na su Allah kanu kapambalingan nin lun (ulyan nu kapatay) na di-ebplis na pakagaga.

يَوۡمَ تُبۡلَى ٱلسَّرَآئِرُ

Gay a ipayag su manga masulen.

فَمَا لَهُۥ مِن قُوَّةٖ وَلَا نَاصِرٖ

Na da lun den i bagel endu pedtabang.

وَٱلسَّمَآءِ ذَاتِ ٱلرَّجۡعِ

Idsapa ku kanu langit i aden lun i pembabalingan (ulan).

وَٱلۡأَرۡضِ ذَاتِ ٱلصَّدۡعِ

Idsapa ku kanu lupa i aden lun i butekad.

إِنَّهُۥ لَقَوۡلٞ فَصۡلٞ

Saben-sabenal a su Qur’an na da ka-ebplis in na kadtalu a mapadsenggaya (kanu benal endu di kena benal).

وَمَا هُوَ بِٱلۡهَزۡلِ

Endu kena sekanin (Qur’an) dadamangyas.

إِنَّهُمۡ يَكِيدُونَ كَيۡدٗا

Saben-sabenal na su silan (manga supak) na pedtipu sa tidtu a katipu.

وَأَكِيدُ كَيۡدٗا

Endu saki na ebpalanatan ku su pakadayt sa kanilan.

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Na pamasagadi ka den muna su manga kafir.