Surah Al-Infitar in mdh

إِذَا ٱلسَّمَآءُ ٱنفَطَرَتۡ

1 Amayka su langit na magupakan.

وَإِذَا ٱلۡكَوَاكِبُ ٱنتَثَرَتۡ

Endu amayka su manga bitun na mangalubpug.

وَإِذَا ٱلۡبِحَارُ فُجِّرَتۡ

Endu amayka su manga lagat na embebetu (mamelipil).

وَإِذَا ٱلۡقُبُورُ بُعۡثِرَتۡ

Endu amayka su manga pakuburan na mabalikwat.

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Na katawan den nu taw su nganin a nanggalebekin a nawna endu nawli.

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Hay seka nan a manusya! Ngin i nakabintyana sa leka kanu kadenan nengka a mapulu?

ٱلَّذِي خَلَقَكَ فَسَوَّىٰكَ فَعَدَلَكَ

A binaluy ka sa inimpitan ka nin sa pinandadayta ka nin.

فِيٓ أَيِّ صُورَةٖ مَّا شَآءَ رَكَّبَكَ

Siya sa kanu ngin a buntal a nganin a nagkahanda nin na pinadsaluswa ka nin.

كَلَّا بَلۡ تُكَذِّبُونَ بِٱلدِّينِ

Benal! Ugayd na papendalbuten nu su gay a mawli.

وَإِنَّ عَلَيۡكُمۡ لَحَٰفِظِينَ

Endu saben-sabenal na aden sa lekanu i bamedtanding (malaikat).

كِرَامٗا كَٰتِبِينَ

Manga mapulu a ebpamelukis (kanu manga galebekan).

يَعۡلَمُونَ مَا تَفۡعَلُونَ

Katawan nilan su penggalebeken nu.

إِنَّ ٱلۡأَبۡرَارَ لَفِي نَعِيمٖ

Saben-sabenal a su manga mapya a taw na da den ka-ebplis in na siya den kanu limu.

وَإِنَّ ٱلۡفُجَّارَ لَفِي جَحِيمٖ

Endu saben-sabenal na su manga dalwaka na da den ka-ebplis in na siya den kanu jaheem (naraka).

يَصۡلَوۡنَهَا يَوۡمَ ٱلدِّينِ

Kaludepan nilan den sa entuba (jaheem/naraka) sa gay a mawli.

وَمَا هُمۡ عَنۡهَا بِغَآئِبِينَ

Endu di den ba silan lun maka-awa.

وَمَآ أَدۡرَىٰكَ مَا يَوۡمُ ٱلدِّينِ

Endu di nengka katawan (Muhammad) ngin i Yawm Ad-Deen?

ثُمَّ مَآ أَدۡرَىٰكَ مَا يَوۡمُ ٱلدِّينِ

Mawli na di nengka katawan ngini pidtalu a Yawm Ad-Deen?

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Gay a di kamilikan nu isa a ginawa su isa a ginawa kanu enggaga-isa endu su kyug kanu entuba a timpu na kanu Allah.