Surah An-Naba in mdh

عَمَّ يَتَسَآءَلُونَ

Makapantag kanu ngin i ibamagidsaya nilan?

عَنِ ٱلنَّبَإِ ٱلۡعَظِيمِ

Pantag kanu tudtulan a masela?

ٱلَّذِي هُمۡ فِيهِ مُخۡتَلِفُونَ

Su silan entu kanu entuba na pembida-bida silan.

كَلَّا سَيَعۡلَمُونَ

Benal a katukawan nilan.

ثُمَّ كَلَّا سَيَعۡلَمُونَ

Mawli sa entu na benal a katukawan nilan.

أَلَمۡ نَجۡعَلِ ٱلۡأَرۡضَ مِهَٰدٗا

Ngintu da nami baluya su lupa sa belat?

وَٱلۡجِبَالَ أَوۡتَادٗا

Endu su manga palaw sa nakabuladtek endu nakapasek.

وَخَلَقۡنَٰكُمۡ أَزۡوَٰجٗا

Na endu inaden nami sekanu sa edtitiwalay.

وَجَعَلۡنَا نَوۡمَكُمۡ سُبَاتٗا

Endu inaden nami su kapedtulug nu sa ibpangintelenen nu.

وَجَعَلۡنَا ٱلَّيۡلَ لِبَاسٗا

Endu binaluy nami su magabi sa tanggub.

وَجَعَلۡنَا ٱلنَّهَارَ مَعَاشٗا

Endu binaluy nami su malmag sa ibpangilay nu sa kawyagan.

وَبَنَيۡنَا فَوۡقَكُمۡ سَبۡعٗا شِدَادٗا

Pimbalay nami san kanu pulu nu su pitu lapis a langit a pimbagelan.

وَجَعَلۡنَا سِرَاجٗا وَهَّاجٗا

Endu inaden nami su senang sa pedsalindaw (egkalapat nin su dunya).

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Endu papedtulunen nami ebpun kanu dadtem su ulan a maleges.

لِّنُخۡرِجَ بِهِۦ حَبّٗا وَنَبَاتٗا

Endu nami makapatu’ sabap lun (ulan) su unud endu su mangengetu.

وَجَنَّٰتٍ أَلۡفَافًا

Endu su manga pamulan a manga malabung.

إِنَّ يَوۡمَ ٱلۡفَصۡلِ كَانَ مِيقَٰتٗا

Saben- sabenal a su gay a mawli na aden timpu nin

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Kanu gay a yupen su sanggakala na makatingguma kanu den (manga taw a pengguyung-guyung) sa lumpuk-lumpukan.

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Endu kabukatan den su langit sa maaden lun su manga bengawan

وَسُيِّرَتِ ٱلۡجِبَالُ فَكَانَتۡ سَرَابًا

Endu mamakanayug su manga palaw sa matunag a mabaluy a ig.

إِنَّ جَهَنَّمَ كَانَتۡ مِرۡصَادٗا

Saben-sabenal su naraka jahannam na ya nin kaaden na ebpangangata.

لِّلطَّٰغِينَ مَـَٔابٗا

Sya kanu manga taw a dalwaka.

لَّٰبِثِينَ فِيهَآ أَحۡقَابٗا

Lu ba silan dayun sa dayun.

لَّا يَذُوقُونَ فِيهَا بَرۡدٗا وَلَا شَرَابًا

Da mananam nilan a matenggaw endu da mainem nilan.

إِلَّا حَمِيمٗا وَغَسَّاقٗا

Ya bu tabya na ig a pedsebu-sebu endu dana (uta, ating endu manga kaped pan manga maledsik).

جَزَآءٗ وِفَاقًا

Balas a pakadayt (kanu kinasupak nilan).

إِنَّهُمۡ كَانُواْ لَا يَرۡجُونَ حِسَابٗا

Saben-sabenal na silan entu na di nilan gadsingani su kagkwinta (kanu manga galebekan).

وَكَذَّبُواْ بِـَٔايَٰتِنَا كِذَّابٗا

Endu pinandalbut nilan su ayatan nami sa tidtu a kinapandalbut.

وَكُلَّ شَيۡءٍ أَحۡصَيۡنَٰهُ كِتَٰبٗا

Endu su langun u enggaga-isa na inisulat nami sa tidtu-tidtu

فَذُوقُواْ فَلَن نَّزِيدَكُمۡ إِلَّا عَذَابًا

Na tepengi nu ka daden makawman nami sa lekanu ya tabya na siksa.

إِنَّ لِلۡمُتَّقِينَ مَفَازًا

Saben-sabenal na aden siya kanu manga magilek (kanu Allah) i bantugan (sulga).

حَدَآئِقَ وَأَعۡنَٰبٗا

Aden lun i manga pamulan endu manga anggur (grapes).

وَكَوَاعِبَ أَتۡرَابٗا

Endu manga laga a bagu sukud (manga mataya endu mamagidsan sa umul).

وَكَأۡسٗا دِهَاقٗا

Endu manga basu a nangapenu (alak sa sulga).

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Da makineg nilan (lu sa sulga) a da kapantag in a bityala endu kalbutan.

جَزَآءٗ مِّن رَّبِّكَ عَطَآءً حِسَابٗا

Balas a ebpun kanu Kadenan nengka (Allah) a inenggay a paka-ustu (kanu nanggalebekan nengka).

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Kadenan (Allah) a pedtiyakap kanu pitu lapis a langit endu lupa na endu su nganin a nakapagelet kanilan duwa, sangat den a malimu (sa dunya), dala makatika sa kanilan embityala kanu Allahu Ta’ala (kanu gay a mawli).

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Gay a edtindeg si Jibril endu su manga malaikat sa egkuyug-kuyug silan, di silan makadtalu ya tabya na entayn i sugutan nu Ar-Rahman (Allah) sa ya nin madtalu na endaw i benal.

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Entuba su gay a bantang, na entayn i taw a magkahanda nin embalingan kanu Kadenan nin a (Allah) na embalingan den (gagalu a uyag-uyag pan siya sa dunya).

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Saben-sabenal sa lekami na pina-ingat nami sekanu su kasiksan a masupeg, kanu gay a mailay nu taw su nganin a nanggalebek u duwa a lima nin, sa ya madtalu nu supak (kafir): nyaba ka naaden aku a libubuk.