1
وَٱلۡمُرۡسَلَٰتِ عُرۡفٗا
Saki (Allah) idsapa ku su sambel a pedtundug-tundug.
Surah Al-Mursalat in mdh
Read Surah Al-Mursalat in mdh (المرسلات) with Arabic text, mdh translation, and audio recitation. Chapter 77 of the Holy Quran, 50 verses — free online.
Quran in mdh · all 114 Surahs
2
فَٱلۡعَٰصِفَٰتِ عَصۡفٗا
Saki (Allah) idsapa ku su sambel a sangat i kabagel nin.
3
وَٱلنَّٰشِرَٰتِ نَشۡرٗا
Saki (Allah) idsapa ku su sambel a pedtayak kanu dadtem.
4
فَٱلۡفَٰرِقَٰتِ فَرۡقٗا
Saki (Allah) idsapa ku su Qur’an a napadsenggaya sa halal-haram.
5
فَٱلۡمُلۡقِيَٰتِ ذِكۡرًا
Saki (Allah) idsapa ku su manga malaikat a bananggit sa wahi a pebpayag.
6
عُذۡرًا أَوۡ نُذۡرًا
Sa manga uzur nu manga taw, atawaka ipapegkagilek.
7
إِنَّمَا تُوعَدُونَ لَوَٰقِعٞ
Saben-sabenal su inibpasad sa lekanu na mawma (gay a mawli).
8
فَإِذَا ٱلنُّجُومُ طُمِسَتۡ
Amayka egkanan su bitun (dala sigay nin).
9
وَإِذَا ٱلسَّمَآءُ فُرِجَتۡ
Endu amayka magubal den su manga langit.
10
وَإِذَا ٱلۡجِبَالُ نُسِفَتۡ
Endu amayka makabayug den su manga palaw.
11
وَإِذَا ٱلرُّسُلُ أُقِّتَتۡ
Endu amayka mabulig den su manga sinugu kanu waktu nin.
12
لِأَيِّ يَوۡمٍ أُجِّلَتۡ
Kanu gay a masla a nataglay sa paydu.
13
لِيَوۡمِ ٱلۡفَصۡلِ
Su gay a kagkukum.
14
وَمَآ أَدۡرَىٰكَ مَا يَوۡمُ ٱلۡفَصۡلِ
Dili nengka gatawan i pidtalu a gay a kagkukum?
15
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
16
أَلَمۡ نُهۡلِكِ ٱلۡأَوَّلِينَ
Saben-sabenal a bininasa nami su nangawna a manga taw.
17
ثُمَّ نُتۡبِعُهُمُ ٱلۡأٓخِرِينَ
Mawli na itundug nami su mawli sa kanilan.
18
كَذَٰلِكَ نَفۡعَلُ بِٱلۡمُجۡرِمِينَ
Mamba i pakaydan nami kanu manga darwaka.
19
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
20
أَلَمۡ نَخۡلُقكُّم مِّن مَّآءٖ مَّهِينٖ
Saben-sabenal a binaluy nami sekanu sa ig a malubay.
21
فَجَعَلۡنَٰهُ فِي قَرَارٖ مَّكِينٍ
Binaluyan nami sa kadtakenan nin sya kanu rahim nu babay.
22
إِلَىٰ قَدَرٖ مَّعۡلُومٖ
Sa taman a di gawma i kalyu nin (kambata lun).
23
فَقَدَرۡنَا فَنِعۡمَ ٱلۡقَٰدِرُونَ
Langun a entu na mapya gayd i kina-ukulun.
24
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
25
أَلَمۡ نَجۡعَلِ ٱلۡأَرۡضَ كِفَاتًا
Benal a binaluy nami su lupa sa mindadalapisa.
26
أَحۡيَآءٗ وَأَمۡوَٰتٗا
Sa manga bibiyag endu manga namamatay.
27
وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا
Endu binaluy nami sya kanu lupa i manga palaw a mapulu endu pina-inem nami sekanu sa ig a tabang.
28
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
29
ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ
Angay kanu sa naraka a di nu bangimbenalen.
30
ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ
Lu kanu ka aden bel nin, amayka nakapulu na telu ka biyas i palas nin.
31
لَّا ظَلِيلٖ وَلَا يُغۡنِي مِنَ ٱللَّهَبِ
Di kasilungan endu di kadalungan ka mayaw.
32
إِنَّهَا تَرۡمِي بِشَرَرٖ كَٱلۡقَصۡرِ
Saben-sabenal a padsabulakan nin i apuy a sangat i kangasela nin.
33
كَأَنَّهُۥ جِمَٰلَتٞ صُفۡرٞ
Mana den su manga unta a binaning a manga masla.
34
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
35
هَٰذَا يَوۡمُ لَا يَنطِقُونَ
Namba su gay a da sa kanilan i kadtalu.
36
وَلَا يُؤۡذَنُ لَهُمۡ فَيَعۡتَذِرُونَ
Endu da den kanilan i makadawa pan silan.
37
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
38
هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ
Namba su gay a kagkukum, binulig nami sekanu endu su nangawna.
39
فَإِن كَانَ لَكُمۡ كَيۡدٞ فَكِيدُونِ
Na amayka aden pamun akal nu, na pagakal kanu bun.
40
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
41
إِنَّ ٱلۡمُتَّقِينَ فِي ظِلَٰلٖ وَعُيُونٖ
Saben-sabenal su manga taw a magilek na sya sa kasilungan endu manga buwal.
42
وَفَوَٰكِهَ مِمَّا يَشۡتَهُونَ
Endu unga na kayu endaw i kyug nilan.
43
كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ
Kan kanu endu inem kanu sa mapya kanu lalaw nu galebekan nu (a mapya).
44
إِنَّا كَذَٰلِكَ نَجۡزِي ٱلۡمُحۡسِنِينَ
Saben-sabenal a mamba i kabalas nami kanu manga mibpya-piya.
45
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
46
كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ
(Su manga dupang) na kan kanu, endu egkakalini kanu sya sa dunya ka manga dupang kanu.
47
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
48
وَإِذَا قِيلَ لَهُمُ ٱرۡكَعُواْ لَا يَرۡكَعُونَ
Amayka pidtalu sa kanilan i ruku’ kanu na di silan rumuku’.
49
وَيۡلٞ يَوۡمَئِذٖ لِّلۡمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
50
فَبِأَيِّ حَدِيثِۭ بَعۡدَهُۥ يُؤۡمِنُونَ
Na ngin pan i kadtalu a mawli (sa Qur’an) a palityayan nilan.