Surah Al-Qiyamah in mdh

لَآ أُقۡسِمُ بِيَوۡمِ ٱلۡقِيَٰمَةِ

Idsapa ku kanu gay a katindeg (nu manga namamatay).

وَلَآ أُقۡسِمُ بِٱلنَّفۡسِ ٱللَّوَّامَةِ

Endu idsapa ku sa Allah su nafsu a mategel mamulegis.

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Ngintu antapan a manusya i di nami limuden su tulan nin?

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Kena, ka magaga nami mapa-ulit su manga kemel nin.

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Na ya kyug nu manga manusya na kendupang ka edtawbat bu.

يَسۡـَٔلُ أَيَّانَ يَوۡمُ ٱلۡقِيَٰمَةِ

Idsa nin u kanu i kawma na gay a mawli?

فَإِذَا بَرِقَ ٱلۡبَصَرُ

Amayka lemansi su mata sa kapangingilay.

وَخَسَفَ ٱلۡقَمَرُ

Endu amayka mawa den su sigay nu ulan-uan.

وَجُمِعَ ٱلشَّمۡسُ وَٱلۡقَمَرُ

Endu makadtimwa su senang kanu ulan-ulan.

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Na madtalu nu manusya endaw den i kapalaguyan?

كَلَّا لَا وَزَرَ

Inunta na da den kalindungan.

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Lu kanu Kadenan nengka i kadtakenan.

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Balasan su manusya sa nawli nawna a galebek nin.

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Endu su manusya na katawan nin i ginawa nin.

وَلَوۡ أَلۡقَىٰ مَعَاذِيرَهُۥ

Apya ngin i dawa nin (di den makadawa).

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Da ka pedsalengan pembatya (su ayatan/wahi) sabap sa bamagayas ka.

إِنَّ عَلَيۡنَا جَمۡعَهُۥ وَقُرۡءَانَهُۥ

Ka buligen nami bun sa pusung nengka (sa kalangag lun) endu kabatya lun.

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Amayka binatya nami entuba i unuti ka.

ثُمَّ إِنَّ عَلَيۡنَا بَيَانَهُۥ

Mawli na ipayag nami bun sa leka.

كَلَّا بَلۡ تُحِبُّونَ ٱلۡعَاجِلَةَ

Kena, ka ya nu bun kalinyan su malegan sa dunya.

وَتَذَرُونَ ٱلۡأٓخِرَةَ

Endu ipedtagak nu su akhirat.

وُجُوهٞ يَوۡمَئِذٖ نَّاضِرَةٌ

Endu su manga biyas na egkagalaw (namba su manga bamaginugut).

إِلَىٰ رَبِّهَا نَاظِرَةٞ

Lu den bagilay kanu Kadenan nin.

وَوُجُوهٞ يَوۡمَئِذِۭ بَاسِرَةٞ

(Aden menem) manga biyas a manga maytem (namba su manga kafir).

تَظُنُّ أَن يُفۡعَلَ بِهَا فَاقِرَةٞ

Napasad kanu ginawa nin i pakaydan sa lekanin a mapasang.

كَلَّآ إِذَا بَلَغَتِ ٱلتَّرَاقِيَ

Kena, ka amayka sundulan den (sakratal mawt)

وَقِيلَ مَنۡۜ رَاقٖ

(Na ya madtalu): entayn i tumuganul kanu nyawa nin atawaka gumamut.

وَظَنَّ أَنَّهُ ٱلۡفِرَاقُ

Endu natagu den sa ginawa nin su kabpitas.

وَٱلۡتَفَّتِ ٱلسَّاقُ بِٱلسَّاقِ

Endu makadtinggumaya su mapasang sa dunya endu su mapasang sa akhirat.

إِلَىٰ رَبِّكَ يَوۡمَئِذٍ ٱلۡمَسَاقُ

Ka lu den mabulig kanu kadenan nengka.

فَلَا صَدَّقَ وَلَا صَلَّىٰ

(Su kafir) na dala pangimbenal sa mapayag masulen endu di edsambayang.

وَلَٰكِن كَذَّبَ وَتَوَلَّىٰ

Ugayd na napandalbut, endu minenda sa katalima sa Islam.

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Mawli na lu mibpawang sekanin sa pamilya nin sa masandag.

أَوۡلَىٰ لَكَ فَأَوۡلَىٰ

Nakaduwan-duwan ka den, tidtu den a nakaduwan-duwan ka den.

ثُمَّ أَوۡلَىٰ لَكَ فَأَوۡلَىٰٓ

Mawli na nakaduwan-duwan kaden, tidtu den a nakaduwan-duwan ka den.

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ngintu antapen a manusya i pasagaden sekanin sa di makambuwat sa gay a mawli?

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Kena ba binaluy nami sekanin a ganat sa sadtak a similya a pagundas?

ثُمَّ كَانَ عَلَقَةٗ فَخَلَقَ فَسَوَّىٰ

Mawli na nabaluy a sapu binaluy nu Allah sa pinabpalas nin.

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Lu nin ba binaluy sa babay-mama.

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Su Allah na ya nin pan di magaga i kapanguyagan kanu minatay.