Surah Al-Muddaththir in mdh

يَٰٓأَيُّهَا ٱلۡمُدَّثِّرُ

Hay seka a midtanggub.

قُمۡ فَأَنذِرۡ

Tindeg ka, ipanginggilek nengka su naraka.

وَرَبَّكَ فَكَبِّرۡ

Endu su Kadenan nengka i pakasela ka.

وَثِيَابَكَ فَطَهِّرۡ

Endu suti ka su balegkas nengka.

وَٱلرُّجۡزَ فَٱهۡجُرۡ

Endu tangkay ka su sakutu.

وَلَا تَمۡنُن تَسۡتَكۡثِرُ

Endu da ka menggay sa kyug na madakel i makwa nengka.

وَلِرَبِّكَ فَٱصۡبِرۡ

Endu sabar ka kanu Kadenan nengka.

فَإِذَا نُقِرَ فِي ٱلنَّاقُورِ

Amayka yupen su sanggakala.

فَذَٰلِكَ يَوۡمَئِذٖ يَوۡمٌ عَسِيرٌ

Na entuba a gay a mapasang.

عَلَى ٱلۡكَٰفِرِينَ غَيۡرُ يَسِيرٖ

Kanu manga kafir na di silan kalemwan.

ذَرۡنِي وَمَنۡ خَلَقۡتُ وَحِيدٗا

Pasagadi aku endu su binaluy ku sa saki bu.

وَجَعَلۡتُ لَهُۥ مَالٗا مَّمۡدُودٗا

Endu inenggan ku pan sa tamuk a madakel.

وَبَنِينَ شُهُودٗا

Endu manga wata pedtalabuk sa gabuligan.

وَمَهَّدتُّ لَهُۥ تَمۡهِيدٗا

Endu binelat ku sa lekanin su mawlad a kapaguyag.

ثُمَّ يَطۡمَعُ أَنۡ أَزِيدَ

Mawli na edsinganinin pamun sa umanan ku.

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Di, ka nan a mama na sinangka nin su ayatan ku.

سَأُرۡهِقُهُۥ صَعُودًا

Di ebplis na tegelen ku lu kanu siksa a mapasang.

إِنَّهُۥ فَكَّرَ وَقَدَّرَ

Namikir u ngin i edtalun nin (Qur’an).

فَقُتِلَ كَيۡفَ قَدَّرَ

Na namulkan sekanin sa apya ngin i pamikiran nin.

ثُمَّ قُتِلَ كَيۡفَ قَدَّرَ

Mawli na namulkan sekanin sa apya ngin i pamikiran nin.

ثُمَّ نَظَرَ

Mawli na inilay nin su manga taw nin.

ثُمَّ عَبَسَ وَبَسَرَ

Mawli na nalibedteng endu nabensi.

ثُمَّ أَدۡبَرَ وَٱسۡتَكۡبَرَ

Mawli na timaligkud, endu mimamasela.

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Ya nin pidtalu na su Qur’an na sih’r nakabpun kanu mategel sa sih’r.

إِنۡ هَٰذَآ إِلَّا قَوۡلُ ٱلۡبَشَرِ

Da (Qur’an) ugayd na kadtalu na manusya.

سَأُصۡلِيهِ سَقَرَ

Paludepen ku sa naraka.

وَمَآ أَدۡرَىٰكَ مَا سَقَرُ

Di nengka katawan u ngin i pidtalu a saqar.

لَا تُبۡقِي وَلَا تَذَرُ

Da ipedsama nin endu da ipedtagak nin.

لَوَّاحَةٞ لِّلۡبَشَرِ

Pedtutung sa upis na manusya.

عَلَيۡهَا تِسۡعَةَ عَشَرَ

Aden sapulu endu syaw (malaikat).

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Endu da binaluy nami a pedtuganul sa naraka a di kena malaikat, endu da kinabaluy nami sa bilangan nilan ya tabya na fitna kanu manga kafir, ka endu matagu sa ginawa nu manga taw a aden kitab nin (Yahudi-Nasrani), endu kawmanan menem sa inugut nu manga bamaginugut, na di makanduwa-duwa su manga taw a aden kitab nin endu su manga bamaginugut, endu madtalu nu manga munafiq endu su manga kafir u ngin i kahanda nu Kadenan sa namba a upaman? Mamba i kapedtading kanu kaped kanu manga taw endu kapedkatutulu kanu kaped, na dala sa kanu sundalu nu Kadenan nengka i mataw lun, ya tabya na sekanin (Allah) endu langun na nya ba na indawan sa maunsya.

كَلَّا وَٱلۡقَمَرِ

Di kena, saki (Allah) idsapa ku su ulan-ulan.

وَٱلَّيۡلِ إِذۡ أَدۡبَرَ

Endu idsapa ku su magabi amayka egkapita.

وَٱلصُّبۡحِ إِذَآ أَسۡفَرَ

Endu idsapa ku su subbuh amayka egkapita.

إِنَّهَا لَإِحۡدَى ٱلۡكُبَرِ

Na saben-sabenal su naraka na isa kanu masla a gatala.

نَذِيرٗا لِّلۡبَشَرِ

Ipagkagilek sa manusya.

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kanu pegkyug sa lekanu atawaka su di pegkyug.

كُلُّ نَفۡسِۭ بِمَا كَسَبَتۡ رَهِينَةٌ

Uman isa na deketan nu galebek nin a kasiksan.

إِلَّآ أَصۡحَٰبَ ٱلۡيَمِينِ

Ya tabya na su manga taw a tampal sa kawanan.

فِي جَنَّٰتٖ يَتَسَآءَلُونَ

Ka lu silan sa surga mamagidsaya.

عَنِ ٱلۡمُجۡرِمِينَ

Kanu manga taw a dupang (lu sa dunya).

مَا سَلَكَكُمۡ فِي سَقَرَ

(Idsa nu malaikat): nginan ka nakaludep kanu sa naraka a saqar?

قَالُواْ لَمۡ نَكُ مِنَ ٱلۡمُصَلِّينَ

Ya nilan kadtalu: da kami makadsamabayang.

وَلَمۡ نَكُ نُطۡعِمُ ٱلۡمِسۡكِينَ

Endu da kami makapakan sa miskinan.

وَكُنَّا نَخُوضُ مَعَ ٱلۡخَآئِضِينَ

Endu imbityala kami sa di nami katawan.

وَكُنَّا نُكَذِّبُ بِيَوۡمِ ٱلدِّينِ

Endu papendalbuten nami su gay a mawli.

حَتَّىٰٓ أَتَىٰنَا ٱلۡيَقِينُ

Taman sa nawma kami na kapatay.

فَمَا تَنفَعُهُمۡ شَفَٰعَةُ ٱلشَّٰفِعِينَ

Na da makangguna sa kanilan su kadtabang nu banabang.

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Ngintu ka embalawagan nilan su indawan.

كَأَنَّهُمۡ حُمُرٞ مُّسۡتَنفِرَةٞ

Mana den silan himar a nalalaguy.

فَرَّتۡ مِن قَسۡوَرَةِۭ

Sa nailay nin su alimaw a pakakayd lun.

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Inunta na uman isa sa kanilan na ka-enggan sa kitab sa mana su kina-enggay kanu rasul.

كَلَّاۖ بَل لَّا يَخَافُونَ ٱلۡأٓخِرَةَ

Di kena, ka di nilan ipegkagilek su akhirat.

كَلَّآ إِنَّهُۥ تَذۡكِرَةٞ

Inunta na su Qur’an na indawan.

فَمَن شَآءَ ذَكَرَهُۥ

Entayn i pegkyug (sa surga) na tademan nin.

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Endu dala bun katademan nilan ya tabya na su kahanda nu Allah ka sekanin i wagib a ikagilek endu sekanin i kigkuwan sa ampun.