Surah Al-Qamar in mdh

ٱقۡتَرَبَتِ ٱلسَّاعَةُ وَٱنشَقَّ ٱلۡقَمَرُ

Masupeg su gay a mawli, endu nawpak su ulan-ulan.

وَإِن يَرَوۡاْ ءَايَةٗ يُعۡرِضُواْ وَيَقُولُواْ سِحۡرٞ مُّسۡتَمِرّٞ

Endu amayka nailay nilan i tanda na ayat na di nilan taliman, ya nilan kadtalu na sih’r a maawa bun inan.

وَكَذَّبُواْ وَٱتَّبَعُوٓاْ أَهۡوَآءَهُمۡۚ وَكُلُّ أَمۡرٖ مُّسۡتَقِرّٞ

Napandalbut silan, ya nilan inunutan su kyug na ginawa nilan, endu langun na galebek na makadtakena bun kanu kigkuwan lun.

وَلَقَدۡ جَآءَهُم مِّنَ ٱلۡأَنۢبَآءِ مَا فِيهِ مُزۡدَجَرٌ

Endu saben-sabenal a nakawma sa kanilan i manga tudtulan sa gay a mawli endu su manga taw a nawna a makalma sa ginawa.

حِكۡمَةُۢ بَٰلِغَةٞۖ فَمَا تُغۡنِ ٱلنُّذُرُ

Indawan a mabagel, na da bun makangguna su indawan.

فَتَوَلَّ عَنۡهُمۡۘ يَوۡمَ يَدۡعُ ٱلدَّاعِ إِلَىٰ شَيۡءٖ نُّكُرٍ

Taligkudi ka silan (Muhammad) ka aden bun gay a tawagen silan nu bananawag, lu makabpawang kanu di nilan kyugan.

خُشَّعًا أَبۡصَٰرُهُمۡ يَخۡرُجُونَ مِنَ ٱلۡأَجۡدَاثِ كَأَنَّهُمۡ جَرَادٞ مُّنتَشِرٞ

Lusak i kapangingilay nilan, lumyu silan sa kubur sa mana den tapudi a pakapayapat.

مُّهۡطِعِينَ إِلَى ٱلدَّاعِۖ يَقُولُ ٱلۡكَٰفِرُونَ هَٰذَا يَوۡمٌ عَسِرٞ

Makapamagayas silan lu kanu bananawag, ya madtalu nu manga kafir: nya den i gay a mapasang.

۞ كَذَّبَتۡ قَبۡلَهُمۡ قَوۡمُ نُوحٖ فَكَذَّبُواْ عَبۡدَنَا وَقَالُواْ مَجۡنُونٞ وَٱزۡدُجِرَ

Ya nawna a napandalbut na su taw nu Nuh, (tig nu Allah): pinandalbut nilan su ulipen nami, ya nilan pidtalu na buneg endu pegkayan nu (su Nuh).

فَدَعَا رَبَّهُۥٓ أَنِّي مَغۡلُوبٞ فَٱنتَصِرۡ

Mindu’a kanu Kadenan (si Nuh): tinalaw aku, na tabangi aku (ya Allah).

فَفَتَحۡنَآ أَبۡوَٰبَ ٱلسَّمَآءِ بِمَآءٖ مُّنۡهَمِرٖ

Binukan nami su manga bengawan nu langit sa ig a maleges.

وَفَجَّرۡنَا ٱلۡأَرۡضَ عُيُونٗا فَٱلۡتَقَى ٱلۡمَآءُ عَلَىٰٓ أَمۡرٖ قَدۡ قُدِرَ

Endu pinambuwat nami kanu lupa su manga buwal, namedsumbak su ig sa pulu endu kababan, sabap sa kahanda nu nangaden.

وَحَمَلۡنَٰهُ عَلَىٰ ذَاتِ أَلۡوَٰحٖ وَدُسُرٖ

Endu pinapageda nami (su manga bamaginugut) kanu awang (nu Nuh) a kayu a mategas endu tutuk a matigkel.

تَجۡرِي بِأَعۡيُنِنَا جَزَآءٗ لِّمَن كَانَ كُفِرَ

Belalakaw sa dalem a parihala nami inibalas (kanu Nuh) a pigkafiran (na manga taw nin).

وَلَقَد تَّرَكۡنَٰهَآ ءَايَةٗ فَهَلۡ مِن مُّدَّكِرٖ

Endu saben-sabenal a initagak nami i tanda (sya sa lupa) ka endu maka-indaw.

فَكَيۡفَ كَانَ عَذَابِي وَنُذُرِ

Na labi den (a mapasang) su siksa lu sa naraka.

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ

Endu saben-sabenal a pinakalemuwan nami su Qur’an sa kalangag nu, ka endu maka-indaw kanu manga taw.

كَذَّبَتۡ عَادٞ فَكَيۡفَ كَانَ عَذَابِي وَنُذُرِ

Napandalbut su Aad, na su siksa ku pan (Allah) a makasugat na dala nilan itagu sa ginawa.

إِنَّآ أَرۡسَلۡنَا عَلَيۡهِمۡ رِيحٗا صَرۡصَرٗا فِي يَوۡمِ نَحۡسٖ مُّسۡتَمِرّٖ

Saben-sabenal a ipinasugat nami silan (su manga kafir) sa sambel a sangat i kabagel nin, kanu gay a mapasang a bananalus.

تَنزِعُ ٱلنَّاسَ كَأَنَّهُمۡ أَعۡجَازُ نَخۡلٖ مُّنقَعِرٖ

Sa nakaidtug su manga ulu nu manga taw, nakailing silan sa manga tud na kayu-kulma a nangatebped.

فَكَيۡفَ كَانَ عَذَابِي وَنُذُرِ

Su siksa ku (Allah) a makasugat na dala nilan itagu sa ginawa.

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ

Endu saben-sabenal a pinakalemuwan nami su Qur’an sa kalangan nu, ka endu maka-indaw kanu manga taw.

كَذَّبَتۡ ثَمُودُ بِٱلنُّذُرِ

Pinandalbut bun ni Thamud su manga indawan.

فَقَالُوٓاْ أَبَشَرٗا مِّنَّا وَٰحِدٗا نَّتَّبِعُهُۥٓ إِنَّآ إِذٗا لَّفِي ضَلَٰلٖ وَسُعُرٍ

Ya nilan kadtalu: sakataw bu a manusya bun i bagunutan tanu? Na saben-sabenal a sekitanu na natading tanu endu nabuneg tanu.

أَءُلۡقِيَ ٱلذِّكۡرُ عَلَيۡهِ مِنۢ بَيۡنِنَا بَلۡ هُوَ كَذَّابٌ أَشِرٞ

Panun anan ka nakawma sa lekanin i wahi sa nya bun sa lekitanu? Buneg sekanin endu malbut a pemamasla gayd.

سَيَعۡلَمُونَ غَدٗا مَّنِ ٱلۡكَذَّابُ ٱلۡأَشِرُ

Katawan nilan bu namag u entayn i malbut a pemamasla.

إِنَّا مُرۡسِلُواْ ٱلنَّاقَةِ فِتۡنَةٗ لَّهُمۡ فَٱرۡتَقِبۡهُمۡ وَٱصۡطَبِرۡ

Saben-sabenal a sekami (Allah) na enggan nami silan sa unta a babay a fitna sa kanilan, endu ipedtikika silan endu edsabar ka(Salih).

وَنَبِّئۡهُمۡ أَنَّ ٱلۡمَآءَ قِسۡمَةُۢ بَيۡنَهُمۡۖ كُلُّ شِرۡبٖ مُّحۡتَضَرٞ

Endu saben-sabenal a nakawma sa kanilan i manga tudtulan sa gay a mawli endu su manga taw a nawna a makalma sa ginawa.

فَنَادَوۡاْ صَاحِبَهُمۡ فَتَعَاطَىٰ فَعَقَرَ

Inipanawag nilan sa mawag a galebek nilan, inenggan sa perang sa sinumbali nilan (su unta a babay).

فَكَيۡفَ كَانَ عَذَابِي وَنُذُرِ

Su siksa ku (Allah) pan a makasugat, na da nilan itagu sa ginawa.

إِنَّآ أَرۡسَلۡنَا عَلَيۡهِمۡ صَيۡحَةٗ وَٰحِدَةٗ فَكَانُواْ كَهَشِيمِ ٱلۡمُحۡتَظِرِ

Na saben-sabenal a sinugu nami lu sa kanilan i sawalu bu a suwara (ni Jibril) na nakailing silan sa utan a nagangu (sabap sa kilat).

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ

Endu saben-sabenal a pinakalemwan nami su Qur’an sa kalangag nu, ka endu maka-indaw kanu manga taw.

كَذَّبَتۡ قَوۡمُ لُوطِۭ بِٱلنُّذُرِ

Pinandalbut bun nu taw nu Lut su manga indawan.

إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ نَّجَّيۡنَٰهُم بِسَحَرٖ

Na saben-sabenal a sinugu nami sa kanilan i sambel a bananggit sa watu, ya bu dala masugat na su masiken bu kanu Lut sa kanu tyuba a magan mapita.

نِّعۡمَةٗ مِّنۡ عِندِنَاۚ كَذَٰلِكَ نَجۡزِي مَن شَكَرَ

Limu entu ebpun kanu Kadenan nengka, na mamba i kalepas nami kanu manga taw a bamaginugut a barasukur.

وَلَقَدۡ أَنذَرَهُم بَطۡشَتَنَا فَتَمَارَوۡاْ بِٱلنُّذُرِ

Endu saben-sabenal a pinakagilekan silan kanu tyuba sa kanilan, na mibpalawa silan, napandalbut silan kanu inipakagilek.

وَلَقَدۡ رَٰوَدُوهُ عَن ضَيۡفِهِۦ فَطَمَسۡنَآ أَعۡيُنَهُمۡ فَذُوقُواْ عَذَابِي وَنُذُرِ

Endu saben-sabenal a pinamagayukan nilan su (bisita ni Lut) na pinunas nami su kailay nilan, na nanami nu su siksa nu (Allah) endu su inipanginggilek sa lekanu.

وَلَقَدۡ صَبَّحَهُم بُكۡرَةً عَذَابٞ مُّسۡتَقِرّٞ

Endu saben-sabenal na pibpanayan nilan su siksa a dayun.

فَذُوقُواْ عَذَابِي وَنُذُرِ

Nanami nu su siksa nu (Allah) endu su dala nu kapanuliman sa indawan.

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ

Endu saben-sabenal a pinakalemuwan nami su Qur’an sa kalangag nu, ka endu maka-indaw kanu manga taw.

وَلَقَدۡ جَآءَ ءَالَ فِرۡعَوۡنَ ٱلنُّذُرُ

Endu saben-sabenal a nakawma bun kanu kadakel ni Fir’awn su indawan.

كَذَّبُواْ بِـَٔايَٰتِنَا كُلِّهَا فَأَخَذۡنَٰهُمۡ أَخۡذَ عَزِيزٖ مُّقۡتَدِرٍ

Pinandalbut nilan su langun nu ayatan, bininasa nami silan sa mana su kabpaminasa nu mapulu a pakagaga.

أَكُفَّارُكُمۡ خَيۡرٞ مِّنۡ أُوْلَٰٓئِكُمۡ أَمۡ لَكُم بَرَآءَةٞ فِي ٱلزُّبُرِ

Ngintu su ka-kafir na ya mapya sa lekanu (a manga bamaginugut) atawaka nalepas kanu den sa naraka lu kanu manga kitab a nangawna?

أَمۡ يَقُولُونَ نَحۡنُ جَمِيعٞ مُّنتَصِرٞ

Atawaka ya nilan edtalun (manga kafir): langun tanu na sekitanu bun i tumalaw.

سَيُهۡزَمُ ٱلۡجَمۡعُ وَيُوَلُّونَ ٱلدُّبُرَ

Napandalbut silan, ya nilan inunutan na su kyug na ginawa nilan endu langun na galebek na makadtakena bun kanu kigkuwan lun.

بَلِ ٱلسَّاعَةُ مَوۡعِدُهُمۡ وَٱلسَّاعَةُ أَدۡهَىٰ وَأَمَرُّ

Benal den su gay a mawli i pasad sa kanilan, endu su gay a mawli na labi pan a tyuba endu mapayt.

إِنَّ ٱلۡمُجۡرِمِينَ فِي ضَلَٰلٖ وَسُعُرٖ

Saben-sabenal su manga dupang na natading silan, endu kanilan su naraka a pegkalaw-kalaw.

يَوۡمَ يُسۡحَبُونَ فِي ٱلنَّارِ عَلَىٰ وُجُوهِهِمۡ ذُوقُواْ مَسَّ سَقَرَ

Su gay a bamatuwin silan lu sa naraka (ya pedtalun sa kanilan): nanami nu pan su kayaw na apuy.

إِنَّا كُلَّ شَيۡءٍ خَلَقۡنَٰهُ بِقَدَرٖ

Saben-sabenal a binaluy nami su langun na enggaga-isa sa aden ukul nin.

وَمَآ أَمۡرُنَآ إِلَّا وَٰحِدَةٞ كَلَمۡحِۭ بِٱلۡبَصَرِ

Endu da kanu kahanda nami a di kena mana sapelek mata (i kangagan nin).

وَلَقَدۡ أَهۡلَكۡنَآ أَشۡيَاعَكُمۡ فَهَلۡ مِن مُّدَّكِرٖ

Endu saben-sabenal a bininasa nami su manga pagidsan nilan sa ka-kafir a nangawna, na ngintu ka di kanu den ma-indaw?

وَكُلُّ شَيۡءٖ فَعَلُوهُ فِي ٱلزُّبُرِ

Endu langun u manga galebek nu manga ulipen na lu tanan sa pedtutulu.

وَكُلُّ صَغِيرٖ وَكَبِيرٖ مُّسۡتَطَرٌ

Endu langun na manot endu masla na nakasulat bun tanan.

إِنَّ ٱلۡمُتَّقِينَ فِي جَنَّٰتٖ وَنَهَرٖ

Saben-sabenal su magilek sa Allah na lu silan sa surga endu manga ig.

فِي مَقۡعَدِ صِدۡقٍ عِندَ مَلِيكٖ مُّقۡتَدِرِۭ

Lu sa bagayanan a mapya, sa hadapan nu Allah a pakagaga.