Surah Al-Bayyinah in mdh

لَمۡ يَكُنِ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَٱلۡمُشۡرِكِينَ مُنفَكِّينَ حَتَّىٰ تَأۡتِيَهُمُ ٱلۡبَيِّنَةُ

Da maaden kanu silan antu a namedsupak ebpun kanu kigkuwan sa kitab (Yahudi endu Nasrani) endu su manga panakutu i kinaumpalak, ya tabya na kinatingguma sa kanilan u Bayyinah (su kinasugu kani Muhammad a nadtapikin su Qur'an).

رَسُولٞ مِّنَ ٱللَّهِ يَتۡلُواْ صُحُفٗا مُّطَهَّرَةٗ

Sinugu a ganat sa Allah a pembatiyan nin i manga kitab a suti.

فِيهَا كُتُبٞ قَيِّمَةٞ

Aden kanu entuba i manga kitab a manga matidtu.

وَمَا تَفَرَّقَ ٱلَّذِينَ أُوتُواْ ٱلۡكِتَٰبَ إِلَّا مِنۢ بَعۡدِ مَا جَآءَتۡهُمُ ٱلۡبَيِّنَةُ

Na endu da sabapan a kinaumpalak u manga inenggan sa kitab (Yahudi endu Nasrani) ya tabya na kanu uliyan u kinawma sa kanilan u Bayyinah (si Muhammad endu su Qur'an).

وَمَآ أُمِرُوٓاْ إِلَّا لِيَعۡبُدُواْ ٱللَّهَ مُخۡلِصِينَ لَهُ ٱلدِّينَ حُنَفَآءَ وَيُقِيمُواْ ٱلصَّلَوٰةَ وَيُؤۡتُواْ ٱلزَّكَوٰةَۚ وَذَٰلِكَ دِينُ ٱلۡقَيِّمَةِ

Nandu dala sinuguwan sa kanilan ya tabya na simban nilan su Allah sa ikhlasen nilan sa lekanin su agama a matidtu endu itindeg ilan su sambayang endu inggay nilan su zakat, entuba su agama a ustu.

إِنَّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَٱلۡمُشۡرِكِينَ فِي نَارِ جَهَنَّمَ خَٰلِدِينَ فِيهَآۚ أُوْلَٰٓئِكَ هُمۡ شَرُّ ٱلۡبَرِيَّةِ

Saben-sabenal a silan a manga sinumupak a kigkwan kanu manga kitab (Yahud endu Nasrani) endu su manga balasakutu na siya silan sa naraka jahannam sa tanityasa. Silan bantu su labi i kawagin a pinamaluy.

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ أُوْلَٰٓئِكَ هُمۡ خَيۡرُ ٱلۡبَرِيَّةِ

Saben-sabenal a su silan a namalitiyaya endu minggalebek sa mapya na silan ba antu su pinakamapya a pinamaluy.

جَزَآؤُهُمۡ عِندَ رَبِّهِمۡ جَنَّٰتُ عَدۡنٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ رَّضِيَ ٱللَّهُ عَنۡهُمۡ وَرَضُواْ عَنۡهُۚ ذَٰلِكَ لِمَنۡ خَشِيَ رَبَّهُۥ

Ya nilan balas kanu Kadenan (Allah) nilan na surga ad’n, sa kanu kababan nin na pelagilay a lawas a ig sa tanityasa silan lu ba, nalilinyan silan nu Allah endu nalilinyan nilan su Allah, entuba na kanu entayn i inikagilekin su Kadenan nin.