Surah Al-Maarij in mdh

سَأَلَ سَآئِلُۢ بِعَذَابٖ وَاقِعٖ

Aden minidsa sa idsa kanu siksa a pakawma.

لِّلۡكَٰفِرِينَ لَيۡسَ لَهُۥ دَافِعٞ

Kanu manga kafir (i siksa) a dala maka-alaw lun.

مِّنَ ٱللَّهِ ذِي ٱلۡمَعَارِجِ

Ebpun sa Allah a lekanin su manga langit.

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Na bamusugan nu manga malaikat endu su Jibril lu gataman kanu ukul nin, su siksa a idsa nilan na sya makabetad kanu gay na ya nin kawget na sagay na lima ngibu lagun.

فَٱصۡبِرۡ صَبۡرٗا جَمِيلًا

Edsabari ka (Muhammad) sa kadsabar a matilak.

إِنَّهُمۡ يَرَوۡنَهُۥ بَعِيدٗا

Saben-sabenal su manga kafir na ya nilan kailay sa siksa na mawatan.

وَنَرَىٰهُ قَرِيبٗا

Na kailay nami lun na masupeg a benal.

يَوۡمَ تَكُونُ ٱلسَّمَآءُ كَٱلۡمُهۡلِ

Su gay a mabaluy su langit sa mana bulawan a gatunag.

وَتَكُونُ ٱلۡجِبَالُ كَٱلۡعِهۡنِ

Endu mabaluy menem su palaw sa mana bumbul a pakabayug.

وَلَا يَسۡـَٔلُ حَمِيمٌ حَمِيمٗا

Endu di makaidsa nu suled nin su suled.

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Ipailay sa kanilan su naraka, na ya mapalnganay nu kafir na makapangawn nin sa siksa su manga wata nin.

وَصَٰحِبَتِهِۦ وَأَخِيهِ

Atawaka si kaluma nin atawaka suled nin.

وَفَصِيلَتِهِ ٱلَّتِي تُـٔۡوِيهِ

Atawaka su katupwan nin.

وَمَن فِي ٱلۡأَرۡضِ جَمِيعٗا ثُمَّ يُنجِيهِ

Endu su dalem nu lupa, mawli na malepas.

كَلَّآۖ إِنَّهَا لَظَىٰ

Di kena ka naraka a pegkalaw-kalaw (i makwa nilan).

نَزَّاعَةٗ لِّلشَّوَىٰ

Pedtutung sa kemalaput atawaka upis na ulu.

تَدۡعُواْ مَنۡ أَدۡبَرَ وَتَوَلَّىٰ

Pangenggaten na timalingkud endu menda.

وَجَمَعَ فَأَوۡعَىٰٓ

Ya nin tinemu na tamuk sya kanu pembetadan lun.

۞ إِنَّ ٱلۡإِنسَٰنَ خُلِقَ هَلُوعًا

Saben-sabenal su manusya na binaluy sa mapadayu.

إِذَا مَسَّهُ ٱلشَّرُّ جَزُوعٗا

Amayka nawma na mapya na masingit.

وَإِذَا مَسَّهُ ٱلۡخَيۡرُ مَنُوعًا

Endu ngin den a kapya na ginawa amayka mawma na mapya.

إِلَّا ٱلۡمُصَلِّينَ

Ya tabya na su barasambayang.

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Su manga taw a tatap sa kanilan su sambayang.

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

Endu ibagawa nilan su kawagib kanu tamuk nilan.

لِّلسَّآئِلِ وَٱلۡمَحۡرُومِ

Lu kanu bangeni, atawaka naibpedan (a tamuk)

وَٱلَّذِينَ يُصَدِّقُونَ بِيَوۡمِ ٱلدِّينِ

Endu bangimbenalen nilan su gay a kapamalas.

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

Endu silan a manga taw na ipegkagilek nilan su siksa nu kadenan nilan.

إِنَّ عَذَابَ رَبِّهِمۡ غَيۡرُ مَأۡمُونٖ

Saben-sabenal kanu siksa nu Kadenan na dala kalepas lun.

وَٱلَّذِينَ هُمۡ لِفُرُوجِهِمۡ حَٰفِظُونَ

Entuba a manga taw na tinuganul nilan su sangulan nilan.

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Sa salakaw kanu manga kaluma nilan atawaka ulipen nilan ka di silan embaradusa.

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Su taw a sagadan nin su dulunan entu ba i darwaka.

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

(Su manga mu’min) na entu ba a manga taw na pedtyakapan nilan su inisalig sa kanilan endu su pasad nilan.

وَٱلَّذِينَ هُم بِشَهَٰدَٰتِهِمۡ قَآئِمُونَ

Entu ba a manga taw na tindegan nilan i kadsaksiyan nilan.

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

Na entuba a manga taw na pebparihalan nilan su sambayang nilan.

أُوْلَٰٓئِكَ فِي جَنَّٰتٖ مُّكۡرَمُونَ

Entuba i manga taw a dalem na surga a ipebpulu silan.

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Ngin i manga kafir antu a pedsangulan kanilan sa pedtulik tanan sa leka.

عَنِ ٱلۡيَمِينِ وَعَنِ ٱلشِّمَالِ عِزِينَ

Biwang-kawanan nengka sa nadtumpuk silan.

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Ngintu ya kyug na uman isa sa kanilan na makaludep sa surga na’eem?

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Di, saben-sabenal a binaluy nami silan sa katawan nilan.

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Saki (Allah) idsapa ku sa ginawa kigkwan sa sebangan-sedepan na magaga nami i sambiyan nami

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Sambyan ami silan sa labi i kapya nin, na dala sa lekami i kalawanan kami.

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Pasagadi ka silan sa batil nilan endu kandadalemet bu, ka mawma nilan i gay nilan a nakapagadil a siksa sa kanilan.

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Gay a kalyu nilan sa kubur sa lu silan makapamagayas kanu kabuligan a matidtu i katundug a bamagayas.

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Lusak i kabpagilay a maytem i biyas, entu ba su gay a siksa sa kanilan, entu ba su siksa a bangenin nilan sya sa dunya.