Surah Adh-Dhariyat in mdh

وَٱلذَّٰرِيَٰتِ ذَرۡوٗا

Saki (Allah) na idsapa ku su sambel a pembayug sa libubuk.

فَٱلۡحَٰمِلَٰتِ وِقۡرٗا

Endu su dadtem a bananggit sa ulan a mawgat.

فَٱلۡجَٰرِيَٰتِ يُسۡرٗا

Endu su manga kapal (barku) a malemu i kabpagiseg nin sa lagat.

فَٱلۡمُقَسِّمَٰتِ أَمۡرًا

Endu su manga malaikat a pembad-bad kanu manga rizki endu ulan.

إِنَّمَا تُوعَدُونَ لَصَادِقٞ

Saben-sabenal su ipebpasad sa lekanu na benal.

وَإِنَّ ٱلدِّينَ لَوَٰقِعٞ

Endu saben-sabenal su balas a malat-mapya na mawma.

وَٱلسَّمَآءِ ذَاتِ ٱلۡحُبُكِ

Endu su langit na aden lalan nin.

إِنَّكُمۡ لَفِي قَوۡلٖ مُّخۡتَلِفٖ

Saben-sabenal sekanu na mimbida-bida sa kadtalu galebek.

يُؤۡفَكُ عَنۡهُ مَنۡ أُفِكَ

Simibay den (kanu nabi) i pedsibay.

قُتِلَ ٱلۡخَرَّٰصُونَ

Namulkan su manga budtuden.

ٱلَّذِينَ هُمۡ فِي غَمۡرَةٖ سَاهُونَ

Silan antu a manga taw a napenu na di kataw.

يَسۡـَٔلُونَ أَيَّانَ يَوۡمُ ٱلدِّينِ

Ya nilan idsa: kanu i kawma na gay a mawli?

يَوۡمَ هُمۡ عَلَى ٱلنَّارِ يُفۡتَنُونَ

Gay a mapagyaw silan sa naraka.

ذُوقُواْ فِتۡنَتَكُمۡ هَٰذَا ٱلَّذِي كُنتُم بِهِۦ تَسۡتَعۡجِلُونَ

(Edtalun sa kanilan): nanami nu su siksa nu, a namba su pedtagadan nu lu sa dunya.

إِنَّ ٱلۡمُتَّقِينَ فِي جَنَّٰتٖ وَعُيُونٍ

Saben-sabenal su taw a magilek na lu silan sa surga endu manga buwal.

ءَاخِذِينَ مَآ ءَاتَىٰهُمۡ رَبُّهُمۡۚ إِنَّهُمۡ كَانُواْ قَبۡلَ ذَٰلِكَ مُحۡسِنِينَ

Pegkuwan nilan su ibagenggay nu Kadenan sa kanilan, kagina silan lu sa dunya na manga mapya silan.

كَانُواْ قَلِيلٗا مِّنَ ٱلَّيۡلِ مَا يَهۡجَعُونَ

Paydu bu kanu magabi i pedtulugan nilan.

وَبِٱلۡأَسۡحَارِ هُمۡ يَسۡتَغۡفِرُونَ

Endu magan mapita na pag-istighfar silan.

وَفِيٓ أَمۡوَٰلِهِمۡ حَقّٞ لِّلسَّآئِلِ وَٱلۡمَحۡرُومِ

Endu ipagawa nilan su haqq nu tamuk nilan, ibagenggay nilan kanu bangeni endu su dala. (miskinan).

وَفِي ٱلۡأَرۡضِ ءَايَٰتٞ لِّلۡمُوقِنِينَ

Endu natagu sa lupa i manga tanda nu Allah kanu manga taw a di gapinda kanu atay nilan i gay a mawli.

وَفِيٓ أَنفُسِكُمۡۚ أَفَلَا تُبۡصِرُونَ

Endu san kanu ginawa nu natanda bun, ugayd na di nu gailay.

وَفِي ٱلسَّمَآءِ رِزۡقُكُمۡ وَمَا تُوعَدُونَ

Endu san sa langit i rizki nu, endu inibpasad sa lekanu.

فَوَرَبِّ ٱلسَّمَآءِ وَٱلۡأَرۡضِ إِنَّهُۥ لَحَقّٞ مِّثۡلَ مَآ أَنَّكُمۡ تَنطِقُونَ

Ibet kanu manga langit endu lupa na benal i rizki na di gapitas nu taw sa mana bun su kadtalu nin.

هَلۡ أَتَىٰكَ حَدِيثُ ضَيۡفِ إِبۡرَٰهِيمَ ٱلۡمُكۡرَمِينَ

Ngintu nakawma sa leka su bityala kanu bisita nu Ibrahim a manga mapulu?

إِذۡ دَخَلُواْ عَلَيۡهِ فَقَالُواْ سَلَٰمٗاۖ قَالَ سَلَٰمٞ قَوۡمٞ مُّنكَرُونَ

Kutika a kinaludep nilan na ya nilan pidtalu: kalilintad, ya pidtalu nu (Ibrahim): kalilintad bun sa manga taw a di ku katawan.

فَرَاغَ إِلَىٰٓ أَهۡلِهِۦ فَجَآءَ بِعِجۡلٖ سَمِينٖ

Linumu kani kaluma nin, nakapananggit sa sapu na sapi a pinagyaw.

فَقَرَّبَهُۥٓ إِلَيۡهِمۡ قَالَ أَلَا تَأۡكُلُونَ

Inibetad sa kanilan, pidtalu nin (Ibrahim): kan kanu.

فَأَوۡجَسَ مِنۡهُمۡ خِيفَةٗۖ قَالُواْ لَا تَخَفۡۖ وَبَشَّرُوهُ بِغُلَٰمٍ عَلِيمٖ

Minggeda-geda si (Ibrahim) kagina di pegkan su manga bisita nin, pidtalu nilan: da ka kagilek ka aden mambata nu a wata egkataw.

فَأَقۡبَلَتِ ٱمۡرَأَتُهُۥ فِي صَرَّةٖ فَصَكَّتۡ وَجۡهَهَا وَقَالَتۡ عَجُوزٌ عَقِيمٞ

Na nakasangul su kaluma nin sa nakatekik (nakalalis), nabetay nin i biyas nin endu nadtalu nin i matuwa aku den.

قَالُواْ كَذَٰلِكِ قَالَ رَبُّكِۖ إِنَّهُۥ هُوَ ٱلۡحَكِيمُ ٱلۡعَلِيمُ

Ya pidtalu (nu malaikat): man den ba matuwa ka den ugayd na pidtalu nu Kadenan nengka, ka sekanin i mapandadayta a mataw.

۞ قَالَ فَمَا خَطۡبُكُمۡ أَيُّهَا ٱلۡمُرۡسَلُونَ

Pidtalu nu (Ibrahim): ngin i kahanda nu a manga sinugu?

قَالُوٓاْ إِنَّآ أُرۡسِلۡنَآ إِلَىٰ قَوۡمٖ مُّجۡرِمِينَ

Ya nilan pidtalu: sinugu kami lu sa manga taw anan a manga darwaka.

لِنُرۡسِلَ عَلَيۡهِمۡ حِجَارَةٗ مِّن طِينٖ

Pabpagulanan nami silan sa watu a pinagyaw sa apuy.

مُّسَوَّمَةً عِندَ رَبِّكَ لِلۡمُسۡرِفِينَ

Aden ngala nu uman i gasugat nin ebpun kanu kadenan nengka a manga taw a dupang.

فَأَخۡرَجۡنَا مَن كَانَ فِيهَا مِنَ ٱلۡمُؤۡمِنِينَ

Pinalyu nami kanu dalpa su langun a bamaginugut.

فَمَا وَجَدۡنَا فِيهَا غَيۡرَ بَيۡتٖ مِّنَ ٱلۡمُسۡلِمِينَ

Da nasama kanu dalpa a salakaw kanu walay nu manga Muslim.

وَتَرَكۡنَا فِيهَآ ءَايَةٗ لِّلَّذِينَ يَخَافُونَ ٱلۡعَذَابَ ٱلۡأَلِيمَ

Endu inisama nami i tanda nu kinabinasa nu manga taw nin kanu manga taw a kagilekan kanu siksa a malipedes.

وَفِي مُوسَىٰٓ إِذۡ أَرۡسَلۡنَٰهُ إِلَىٰ فِرۡعَوۡنَ بِسُلۡطَٰنٖ مُّبِينٖ

Endu su Musa su kinawma nin kani Fir’awn sa nakapananggit sa tanda a mapayag.

فَتَوَلَّىٰ بِرُكۡنِهِۦ وَقَالَ سَٰحِرٌ أَوۡ مَجۡنُونٞ

Da talima (su Fir’awn) kagina aden pedsaligan nin a bagel nin, endu pidtalu nin kanu Musa: sih’r atawaka buneg.

فَأَخَذۡنَٰهُ وَجُنُودَهُۥ فَنَبَذۡنَٰهُمۡ فِي ٱلۡيَمِّ وَهُوَ مُلِيمٞ

Bininasa nami su (Fir’awn) endu su manga tagapeda nin. Pinagaled nami (kanu lagat) ka di mataw dawayan.

وَفِي عَادٍ إِذۡ أَرۡسَلۡنَا عَلَيۡهِمُ ٱلرِّيحَ ٱلۡعَقِيمَ

Endu su Aad na inipasugat nami silan sa palnan a sambel a mabagel.

مَا تَذَرُ مِن شَيۡءٍ أَتَتۡ عَلَيۡهِ إِلَّا جَعَلَتۡهُ كَٱلرَّمِيمِ

Da gasugat antu a sambel kanu langun na enggaga-isa a di kena nagunsyal.

وَفِي ثَمُودَ إِذۡ قِيلَ لَهُمۡ تَمَتَّعُواْ حَتَّىٰ حِينٖ

Endu su Thamud, pidtalu sa kanilan: pamakut kanu sa taman a di kanu matay.

فَعَتَوۡاْ عَنۡ أَمۡرِ رَبِّهِمۡ فَأَخَذَتۡهُمُ ٱلصَّٰعِقَةُ وَهُمۡ يَنظُرُونَ

Sinangka nilan su Kadenan nilan, na sinayab na kilat silan sa natekaw sa gailay nilan bun.

فَمَا ٱسۡتَطَٰعُواْ مِن قِيَامٖ وَمَا كَانُواْ مُنتَصِرِينَ

Na da pakagaga sa kanilan tumindeg endu makadtabang.

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ قَوۡمٗا فَٰسِقِينَ

Endu su taw nu Nuh a nawna, nasugat a kadalem ka manga faasiq silan.

وَٱلسَّمَآءَ بَنَيۡنَٰهَا بِأَيۡيْدٖ وَإِنَّا لَمُوسِعُونَ

Endu pimbalay nami su langit sa bagel, magaga nami mapagkawlad.

وَٱلۡأَرۡضَ فَرَشۡنَٰهَا فَنِعۡمَ ٱلۡمَٰهِدُونَ

Endu binelat nami su lupa, na mapya gayd i kinandatal nin.

وَمِن كُلِّ شَيۡءٍ خَلَقۡنَا زَوۡجَيۡنِ لَعَلَّكُمۡ تَذَكَّرُونَ

Endu binaluy nami i langun a enggaga-isa sa duwa ka biyas, ka endu malemu-lemu i kadsukur nu.

فَفِرُّوٓاْ إِلَى ٱللَّهِۖ إِنِّي لَكُم مِّنۡهُ نَذِيرٞ مُّبِينٞ

Isangul nu su palas nu kanu Allah ka saki na mapayag sa lekanu i kapagkagilek.

وَلَا تَجۡعَلُواْ مَعَ ٱللَّهِ إِلَٰهًا ءَاخَرَۖ إِنِّي لَكُم مِّنۡهُ نَذِيرٞ مُّبِينٞ

Endu da kanu bagumbal sa kadenan a kaped ka saki na mapayag sa lekanu i kapagkagilek.

كَذَٰلِكَ مَآ أَتَى ٱلَّذِينَ مِن قَبۡلِهِم مِّن رَّسُولٍ إِلَّا قَالُواْ سَاحِرٌ أَوۡ مَجۡنُونٌ

Saka maytu bun su manga taw a nangawna a dala nakawma sa kanilan a sinugu a di kena ya nilan kadtalu na sih’r atawaka buneg.

أَتَوَاصَوۡاْ بِهِۦۚ بَلۡ هُمۡ قَوۡمٞ طَاغُونَ

Mana den inidtutuma na isa sa ped nin (bityala a maledsik) ugayd na silan a manga taw na darwaka.

فَتَوَلَّ عَنۡهُمۡ فَمَآ أَنتَ بِمَلُومٖ

Pasagadi ka silan (Muhammad) ka di ka bun matila u di silan baginugut.

وَذَكِّرۡ فَإِنَّ ٱلذِّكۡرَىٰ تَنفَعُ ٱلۡمُؤۡمِنِينَ

Endu pangindaw ka, ka su indawan na makam-barapantag kanu manga bamaginugut.

وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ

Endu dala kinabaluy nu (Allah) sa jin endu manusya ya tabya na kasimba sa Allah.

مَآ أُرِيدُ مِنۡهُم مِّن رِّزۡقٖ وَمَآ أُرِيدُ أَن يُطۡعِمُونِ

Endu di aku pegkwa sa rizki sa kanilan, endu di kena aku nilan pakanen.

إِنَّ ٱللَّهَ هُوَ ٱلرَّزَّاقُ ذُو ٱلۡقُوَّةِ ٱلۡمَتِينُ

Saben-sabenal su Allah na sekanin i pe-rizki, kigkuwan sa bagel.

فَإِنَّ لِلَّذِينَ ظَلَمُواْ ذَنُوبٗا مِّثۡلَ ذَنُوبِ أَصۡحَٰبِهِمۡ فَلَا يَسۡتَعۡجِلُونِ

Endu aden kanu manga dupang i umun nilan a kanaraka, a mana bun umun nu manga tagapeda nilan, na dili den silan mamagayas (kanu siksa, ka mawma nilan bun).

فَوَيۡلٞ لِّلَّذِينَ كَفَرُواْ مِن يَوۡمِهِمُ ٱلَّذِي يُوعَدُونَ

Su bawgan sa naraka i kanu manga kafir, kanu gay nilan a pedtagadan nilan sa lu pan silan sa dunya.