Surah As-Saffat in Fula

وَٱلصَّٰٓفَّٰتِ صَفّٗا

Mi wooɗndirii cappniraaɗi ɗin saffaaji.

فَٱلزَّٰجِرَٰتِ زَجۡرٗا

Mi wooɗndirii coggirayɗi (duule) ɗin coggugol.

فَٱلتَّٰلِيَٰتِ ذِكۡرًا

Mi wooɗndirii janngiratɗi ɗin, ganndintinorgol:

إِنَّ إِلَٰهَكُمۡ لَوَٰحِدٞ

"Pellet, deweteeɗo mon on, ko bajjo,

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

Jeyɗo kammuuji ɗin e leydi ndin, e kon ko woni hakkunde ɗin ɗiɗi, Jeyɗo kadi puɗirɗe ɗen.

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Min cuɗirii kammu (hikkii ngu) aduna ngun: cuɗaari koode ɗeen,

وَحِفۡظٗا مِّن كُلِّ شَيۡطَٰنٖ مَّارِدٖ

e deenirgol (ngu) kala seytaane daɗaandu.

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

Ɗi kaɗtanaaka keɗitagol mbatu [Maleykaaji toowu ngu ngun; tawde hiɗi peroree e kala baŋŋe,

دُحُورٗاۖ وَلَهُمۡ عَذَابٞ وَاصِبٌ

ka faɗagol (ɗi). Hino woodani ɗi kadi, lepte duumiiɗe.

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

Si wonaa ndun bifti ndu e majji, jilannde [haala], ndu rewnree hoodere tufatnde.

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

Laɓndo ɓe: si ko kamɓe ɓuri saɗtude takde kaa ko ɓen ɓe Min tagi? Min tagirii ɓe kamɓe, loopal narnungal.

بَلۡ عَجِبۡتَ وَيَسۡخَرُونَ

Si ko woni, a haawi, heɓe njalnora!

وَإِذَا ذُكِّرُواْ لَا يَذۡكُرُونَ

Si ɓe mbaajaama, ɓe mbajitortaa;

وَإِذَا رَأَوۡاْ ءَايَةٗ يَسۡتَسۡخِرُونَ

si ɓe nji'ii ma'ande, ɓe njalkita,

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

ɓe mbii'a: "Ɗuum wonaani, si wonaa mbilewu ɓanngu ngu.

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Eyoo si min maayii, min ngontii mbullaari e ƴi'e, haray ko min immintinoyteeɓe?"

أَوَءَابَآؤُنَا ٱلۡأَوَّلُونَ

Baabiraaɓe amin adinooɓe ɓeen kadi e minen?"

قُلۡ نَعَمۡ وَأَنتُمۡ دَٰخِرُونَ

Maaku: "pellet! Hara le ko on hoynaaɓe".

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

Nganndon ɗum, ko wuttaandu wo'oturu pet, tawee jaka yoo, heɓe ndaara,

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Ɓe mbi'a: Ee bone amen ! Ko ndee woni Ñaaande njoɓdi kuuɗe".

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

"Ko ndee woni Ñalaande ñaawoore, ko njeddatnoɗon fii mum".

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

Mooɓee tooñɓe ɓen, e nandadiiɓe maɓɓe ɓen, e kon ko ɓe ngonnoo e rewde,

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

ko woori Alla. Coggireeɓe ka laawol Jahiimi.

وَقِفُوهُمۡۖ إِنَّهُم مَّسۡـُٔولُونَ

Ndarnon ɓe, tawde ko ɓe laɓnditeteeɓe".

مَا لَكُمۡ لَا تَنَاصَرُونَ

"Ko heɓi on, on mballindirtaa?"

بَلۡ هُمُ ٱلۡيَوۡمَ مُسۡتَسۡلِمُونَ

Ko woni kamɓe ɓe hannde, ko ɓe jebbilii ɓe,

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

woɗɓe e maɓɓe peewtita ɓeya, ɓe laɓndondira;

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

ɓe mbi'a: "Ko onon ngoni ko ardiranaynoo men, ka ɓaŋŋe ñaamo".

قَالُواْ بَل لَّمۡ تَكُونُواْ مُؤۡمِنِينَ

(Koohooɓe) ɓen mbi'a: "Ko woni kon, on meeɗaano won'de gooŋɗinɓe.

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

Doole woo min ngalanaano on. Si ko woni, on ngonno yimɓe bewɓe.

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

Konngol Joomi men ngol, jojjii e min; pellet, ko en meeɗooɓe [lepte ɗen].

فَأَغۡوَيۡنَٰكُمۡ إِنَّا كُنَّا غَٰوِينَ

Min mbewinno on, tawde hay minen, ko min bewnooɓe".

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

Kamɓe on nden ñande, ko ɓe haawtoyteeɓe ka lepte.

إِنَّا كَذَٰلِكَ نَفۡعَلُ بِٱلۡمُجۡرِمِينَ

Ko nii Minen Min ngollirtata bomɓe ɓen.

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

Kamɓe si ɓe mbi'anooma: "deweteeɗo alaa si wonaa Alla", ɓe mawnintinoo.

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

ɓe mbi'a: "Kere men ngaccitiray deweteeɗi amen ɗin, fii yimoowo kaangaaɗo?"

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

Si ko woni, (Nulaaɗo) on ko goonga ardi, o goongini nulaaɓe ɓen.

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

Pellet, ko on meeɗay ɓe lepte mu'usuuɗe ɗen.

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

On njoɓetetaake, si wonaa yeru kon ko ngollatnoɗon.

إِلَّا عِبَادَ ٱللَّهِ ٱلۡمُخۡلَصِينَ

si wonaa jiyaaɓe Alla laɓɓinaaɓe ɓen,

أُوْلَٰٓئِكَ لَهُمۡ رِزۡقٞ مَّعۡلُومٞ

hino woodani ɓen ɗoon, fanndaare ganndaandi:

فَوَٰكِهُ وَهُم مُّكۡرَمُونَ

muuyanteeɗi, kadi ko ɓe teddinteeɓe,

فِي جَنَّٰتِ ٱلنَّعِيمِ

ka aljannaaji neeminiiɗi,

عَلَىٰ سُرُرٖ مُّتَقَٰبِلِينَ

e hoore danɗe, ko ɓe feewtondirɓe.

يُطَافُ عَلَيۡهِم بِكَأۡسٖ مِّن مَّعِينِۭ

Hara kore heɗe mbannginii e maɓɓe, immorde e ɓulirde

بَيۡضَآءَ لَذَّةٖ لِّلشَّٰرِبِينَ

daneeje, lewñunde, fii yarooɓe,

لَا فِيهَا غَوۡلٞ وَلَا هُمۡ عَنۡهَا يُنزَفُونَ

mu'usuuɗe hoore alaa e majjam, wonaa ɗam ciwrinirteeɓe ɗam.

وَعِندَهُمۡ قَٰصِرَٰتُ ٱلطَّرۡفِ عِينٞ

Hino woodani ɓe (toon): raɓɓuɓe ndaarɗe, yaaja giteeɓe,

كَأَنَّهُنَّ بَيۡضٞ مَّكۡنُونٞ

wa'aɓe wa ɓoccooɗe maraaɗe.

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

Woɗɓe e maɓɓe peewtita ɓeya, ɓe laɓndondira.

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

Goɗɗo e maɓɓe wi'a: "Min miɗo marunoo gonndiijo,

يَقُولُ أَءِنَّكَ لَمِنَ ٱلۡمُصَدِّقِينَ

wi'atnooɗo: "Kere ko a jiyaaɗo e gooŋɗinɓe ɓen?

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

Eyoo si en maayii, en wontii mbullaari e ƴi'e, tawa ko en yoɓitoyteeɓe?"

قَالَ هَلۡ أَنتُم مُّطَّلِعُونَ

O wi'a: "Taw si ɗon njiɗi ƴeewde?"

فَٱطَّلَعَ فَرَءَاهُ فِي سَوَآءِ ٱلۡجَحِيمِ

O ƴeewa, o haynoo oya ka leri dulbunge,

قَالَ تَٱللَّهِ إِن كِدتَّ لَتُرۡدِينِ

o wi'a: "Mi wooɗndirii Alla ! A ɗeɓɓi fii no mi halkorde!

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

Si wonaano moƴƴere Joomi am nden, mi tawdeteno e [lepteteeɓe ɓeen].

أَفَمَا نَحۡنُ بِمَيِّتِينَ

Wonaa noon en maayataa,

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

si wonaa maayde men aranere nden, en wngonaani kadi lepteteeɓe?"

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

Pellet, ko ɗuum ɗoo woni maloore mawnude ndeen.

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

Ko fii sugu ɗuum ɗoo, woni yo gollooɓe ngollan.

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

Hara ko ɗuum ɓuri moƴƴude jipporde, kaa ko leggal "Zaqquumi" [ngal kaaɗugal]?

إِنَّا جَعَلۡنَٰهَا فِتۡنَةٗ لِّلظَّٰلِمِينَ

Min mbaɗii ngal jarrabuyee tooñɓe ɓen.

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

Ngal, ko leggal jaltatngal ka tummbere Dulbunge.

طَلۡعُهَا كَأَنَّهُۥ رُءُوسُ ٱلشَّيَٰطِينِ

Dimɗe maggal, hono wa'i no ko'e seytanooji.

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

Kamɓe ɓe, pellet, ko e maggal ɓe ñaamirta, ɓe kebbinira ngal deedi maɓɓe.

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

Refti hino woodani ɓe e dow maggal, njaram patinaaɗam.

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

Refti ruttorde maɓɓe ndeen, ko ka Dulɓoowe.

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

Ɓe tawu baabiraaɓe maɓɓe ɓeen, ko majjunooɓe,

فَهُمۡ عَلَىٰٓ ءَاثَٰرِهِمۡ يُهۡرَعُونَ

ɓe ngoni e yaccagol njokka baɗteeji maɓɓe.

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

Gooŋɗii, ko ɓuri ɗuuɗude e adamɓe ɓen, majjiino, ado maɓɓe.

وَلَقَدۡ أَرۡسَلۡنَا فِيهِم مُّنذِرِينَ

Gooŋɗii le, Min nuluno e maɓɓe, jeertinooɓe.

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Kono ndaaru baɗtane ɓren jeertinanooɓe, no wa'anoo!

إِلَّا عِبَادَ ٱللَّهِ ٱلۡمُخۡلَصِينَ

Si wonaa jiyaaɓe Alla, laɓɓinaaɓe ɓen.

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

Gooŋɗii Nuuhu nodduno Min, Min moƴƴii jaabotooɓe.

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Min ndaɗni mo, kaŋko e yimɓe makko ɓeen, e suno mawnngo ngon,

وَجَعَلۡنَا ذُرِّيَّتَهُۥ هُمُ ٱلۡبَاقِينَ

Min mbɗi gelngol makko ngol, heddotooɓe ɓen.

وَتَرَكۡنَا عَلَيۡهِ فِي ٱلۡأٓخِرِينَ

Min ngaccani mo mantoore, e sakkitiiɓe ɓeen.

سَلَٰمٌ عَلَىٰ نُوحٖ فِي ٱلۡعَٰلَمِينَ

Kisal wonii e Nuuhu, e ndeer winndere nden.

إِنَّا كَذَٰلِكَ نَجۡزِي ٱلۡمُحۡسِنِينَ

Ko non woni ko Min mbarjorta moƴƴimɓe ɓen.

إِنَّهُۥ مِنۡ عِبَادِنَا ٱلۡمُؤۡمِنِينَ

Kaŋko, ko o jeyanooɗo e jiyaaɓe Amen gooŋɗinɓe ɓen.

ثُمَّ أَغۡرَقۡنَا ٱلۡأٓخَرِينَ

Refti Min njooli heddii ɓe ɓeen.

۞ وَإِنَّ مِن شِيعَتِهِۦ لَإِبۡرَٰهِيمَ

Hino jeyanoo e jokkunooɓe mo ɓe Ibraahiima.

إِذۡ جَآءَ رَبَّهُۥ بِقَلۡبٖ سَلِيمٍ

Tuma nde ardunoo e Joomi makko, e ɓernde hisnde.

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

Nde o maakannoo ben makko e yimɓe mum ɓeen: "Ko holɗum ndewoton?

أَئِفۡكًا ءَالِهَةٗ دُونَ ٱللَّهِ تُرِيدُونَ

E ko deweteeɗi pefindaaɗi, ko wanaa Alla, paalaɗon?

فَمَا ظَنُّكُم بِرَبِّ ٱلۡعَٰلَمِينَ

Ko cikkuɗon e Joomiraawo tagoore ngon?"

فَنَظَرَ نَظۡرَةٗ فِي ٱلنُّجُومِ

O ndaariri ndaarande to koode,

فَقَالَ إِنِّي سَقِيمٞ

o maaki: "Ko mi ñawnɗo".

فَتَوَلَّوۡاْ عَنۡهُ مُدۡبِرِينَ

Ɓe ngacci mo, ɓe nduŋti.

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

O mooltii e deweteeɗi maɓɓe ɗin, o maaki: "E on ñaamataa?

مَا لَكُمۡ لَا تَنطِقُونَ

Ko heɓi on, on kaalataa?"

فَرَاغَ عَلَيۡهِمۡ ضَرۡبَۢا بِٱلۡيَمِينِ

O naatnani, fiyirde ɗi ñaamo ngon.

فَأَقۡبَلُوٓاْ إِلَيۡهِ يَزِفُّونَ

Ɓe peewti e makko, hiɓe njaawno.

قَالَ أَتَعۡبُدُونَ مَا تَنۡحِتُونَ

O maaki: "E on ndeway ko lesuɗon!,cehɗon).

وَٱللَّهُ خَلَقَكُمۡ وَمَا تَعۡمَلُونَ

hara le ko Alla tagi on, e ko ngolloton?"

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

Ɓe mbi'i: "Mahanee mo mahdi, mbugoɗon mo ka dulɓayange".

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

Ɓe pa'andanii mo feere; kono Min mbɗi ɓe sooybe ɓen.

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

O maaki: "Min on, ko mi peroowo ka Joomi am, aray nde O feewnata kam.

رَبِّ هَبۡ لِي مِنَ ٱلصَّٰلِحِينَ

Joomi am, weeɗam geɗal moƴƴuɓe".

فَبَشَّرۡنَٰهُ بِغُلَٰمٍ حَلِيمٖ

Min mbeltiniri mo, geɗal muññiiɗo.

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

Nde on yottinoo e makko jahal, [Ibraahiima] maaki: "Ko an ɓiɗɗo am, min mi yi'ii e ɗoyngol, won'de miɗo hirse. Ndaaru ko yi'iɗaa". [Ismaa'iila] maaki: "eey ma baaba'en, mbaɗee ko njamiraɗon kon, on tawoyay kam, si Alla jaɓii, jiyaaɗo e muñiiɓe ɓen".

فَلَمَّآ أَسۡلَمَا وَتَلَّهُۥ لِلۡجَبِينِ

Nde ɓe jebbilaninoo (yamiroore Alla nden), o hippiri mo tiinde nde,

وَنَٰدَيۡنَٰهُ أَن يَٰٓإِبۡرَٰهِيمُ

Men noddiri mo wi'ide: "eey ma yo Ibraahiima !

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

Pellet, a gooŋɗiinii koyɗol ngol. Ko Minen Min njoɓirte moƴƴinooɓe ɓeen".

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ

Pellet, ko ɗuum ɗoo woni jarrabuyee ɓannguɗo oon.

وَفَدَيۡنَٰهُ بِذِبۡحٍ عَظِيمٖ

Min cootiri mo kirse mawɗe.

وَتَرَكۡنَا عَلَيۡهِ فِي ٱلۡأٓخِرِينَ

Min ngaccani mo mantoore, e sakkitiiɓe ɓen.

سَلَٰمٌ عَلَىٰٓ إِبۡرَٰهِيمَ

"Kisal wonii e Ibraahiima".

كَذَٰلِكَ نَجۡزِي ٱلۡمُحۡسِنِينَ

Ko wano nii Min njoɓirta moƴƴinooɓe ɓeen.

إِنَّهُۥ مِنۡ عِبَادِنَا ٱلۡمُؤۡمِنِينَ

Kaŋko, ko o jiyaaɗo e jiyaaɓe Amen gooɗinɓe ɓen.

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ

Min mbeltiniri Ishaaqa, Annabaajo jiyaaɗo e moƴƴuɓe ɓen.

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

Min kebbini barki e makko e Ishaaqa. Hino e geñngol maɓɓe ngol: moƴƴinɗo, e tooñuɗo hoore-mun ɓanngini.

وَلَقَدۡ مَنَنَّا عَلَىٰ مُوسَىٰ وَهَٰرُونَ

Gooŋɗii Min moƴƴike e dow Muusaa e Haaruuna,

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

Min ndaɗni ɓe, kamɓe e yimɓe maɓɓe ɓeen, e ngoƴo mawnungo,

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

Min mballi ɓe, ɓe ngoni foolɓe ɓen.

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

Min ngokki ɓe deftere ɓannginnde ndeen.

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

Min peewniri ɓe, e laawol pocciingol ngol.

وَتَرَكۡنَا عَلَيۡهِمَا فِي ٱلۡأٓخِرِينَ

Min ngaccani ɓe mantoore, e sakkitiiɓe ɓeen.

سَلَٰمٌ عَلَىٰ مُوسَىٰ وَهَٰرُونَ

"Kisal woni e dow Muusaa yo Haaruuna".

إِنَّا كَذَٰلِكَ نَجۡزِي ٱلۡمُحۡسِنِينَ

Ko wano nii Min noɓitirta moƴƴimɓe ɓen.

إِنَّهُمَا مِنۡ عِبَادِنَا ٱلۡمُؤۡمِنِينَ

Kamɓe ɗiɗo, ko ɓe jiyanooɓe e jiyaaɓe Amen gooɗiinɓe ɓen.

وَإِنَّ إِلۡيَاسَ لَمِنَ ٱلۡمُرۡسَلِينَ

Pellet, Ilyaasa kadi, ko jeyanooɗo e Nulaaɓe ɓeen.

إِذۡ قَالَ لِقَوۡمِهِۦٓ أَلَا تَتَّقُونَ

Jaŋto nde o maakannoo yimɓe makko ɓen: "E on kulataa [Alla]?

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

E ko "Ba'ala" ndewoton, ngaccon ɓurɗo moƴƴude tagoore nde?

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

Woni Alla, Jeyɗo on, Jeyi baabiraaɓe mon adinooɓe ɓeen?"

فَكَذَّبُوهُ فَإِنَّهُمۡ لَمُحۡضَرُونَ

Ɓe njeddii mo, awa non, ko ɓe tawnoyteeɓe (ka lepte).

إِلَّا عِبَادَ ٱللَّهِ ٱلۡمُخۡلَصِينَ

Si wonaa jiyaaɓe Alla laɓɓinaaɓe ɓeen.

وَتَرَكۡنَا عَلَيۡهِ فِي ٱلۡأٓخِرِينَ

Min ngaccani mo mantoore, e sakkitiiɓe ɓen.

سَلَٰمٌ عَلَىٰٓ إِلۡ يَاسِينَ

"Kisal woni e dow Ilyaasiina'en".

إِنَّا كَذَٰلِكَ نَجۡزِي ٱلۡمُحۡسِنِينَ

Ko wano nii Min njoɓirta moƴƴimɓe ɓeen.

إِنَّهُۥ مِنۡ عِبَادِنَا ٱلۡمُؤۡمِنِينَ

Kaŋko, ko o jeyanooɗo e jiyaaɓe Amen gooŋɗinɓe ɓen.

وَإِنَّ لُوطٗا لَّمِنَ ٱلۡمُرۡسَلِينَ

Pellet, Luutu kadi, ko jiyanooɗo e Nulaaɓe ɓeen.

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

Jaŋto nde Min ndaɗndunoo mo, kaŋko e ɓeynguure makko nden fof,

إِلَّا عَجُوزٗا فِي ٱلۡغَٰبِرِينَ

si wonaa nayeeja debba, tawaaɗo e luttunooɓe ɓeen,

ثُمَّ دَمَّرۡنَا ٱلۡأٓخَرِينَ

refti Min oƴƴi heddii ɓe ɓeen.

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

Onon non, hoɗon ndewa e hoore-maɓɓe, dawol mon.

وَبِٱلَّيۡلِۚ أَفَلَا تَعۡقِلُونَ

e jemma. E on kaqqiltaa?

وَإِنَّ يُونُسَ لَمِنَ ٱلۡمُرۡسَلِينَ

Pellet, Yuunusa kadi, ko jiyanooɗo e Nulaaɓe ɓeen.

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

Jaŋto nde o dogirnoo ka laana hebbinaaka,

فَسَاهَمَ فَكَانَ مِنَ ٱلۡمُدۡحَضِينَ

o urbinii, o jiyaa e foolaaɓe ɓeen.

فَٱلۡتَقَمَهُ ٱلۡحُوتُ وَهُوَ مُلِيمٞ

Liinngii ngii moɗi mo, ko o pelniiɗo.

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

Si wonaano tawde homo jeyanoo e subbunhinotooɓe ɓen,

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

o ñiiɓayno e reedu maggii, ha ñalnde ummintinoytee.

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ

Min mberlii mo ka ladde, ko o ñawnɗo.

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

Min puɗini e mayre, leggal buudi.

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

Min nuli mo e ujune teemeder yimɓe, maa ko ɓuri.

فَـَٔامَنُواْ فَمَتَّعۡنَٰهُمۡ إِلَىٰ حِينٖ

Ɓe ngooŋɗini, Min ndakmiti ɓe haa e dumunna.

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

Laɓndii ɓe:" E ko Joomi maa woodanta ɓiɓɓe rewɓe, kamɓe kan worɓe?

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ

Kaa Min tagir Maley'ikaaaji dewwɗinaaɗi, hara ko ɓe seediiɓe?"

أَلَآ إِنَّهُم مِّنۡ إِفۡكِهِمۡ لَيَقُولُونَ

Paamee, kamɓe e pepindaale maɓɓe ɗen, hiɓe mbi'a:

وَلَدَ ٱللَّهُ وَإِنَّهُمۡ لَكَٰذِبُونَ

"Allah jibinii"; pellet, ɓe penat

أَصۡطَفَى ٱلۡبَنَاتِ عَلَى ٱلۡبَنِينَ

Hara O cuɓay ɓiɓɓe rewɓe ɓen e dow worɓe ɓen?

مَا لَكُمۡ كَيۡفَ تَحۡكُمُونَ

Ko heɓi on, si ɗon ñaawira noon?

أَفَلَا تَذَكَّرُونَ

E on miijtottaako?

أَمۡ لَكُمۡ سُلۡطَٰنٞ مُّبِينٞ

Kaa hoɗon njogii hujja ɓannguɗo?

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

Haray ngaddee deftere mon nden, si wonii ko on gooŋɗuɓe!".

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

Ɓe mbaɗi hakkunde makko e Maleykaaji, asko; hara non, Maleykaaji no nganndi, ɓen ko tawnoyteeɓe (ka lepte).

سُبۡحَٰنَ ٱللَّهِ عَمَّا يَصِفُونَ

Senaare woodani Allah, e ko ɓe cifotoo!

إِلَّا عِبَادَ ٱللَّهِ ٱلۡمُخۡلَصِينَ

Si wonaa jiyaaɓe Allah laɓɓinaaɓe ɓen.

فَإِنَّكُمۡ وَمَا تَعۡبُدُونَ

Nganndon onon e ko ndewoton kon,

مَآ أَنتُمۡ عَلَيۡهِ بِفَٰتِنِينَ

on ngonaani majjinooɓe ɗuum [goɗɗo goo],

إِلَّا مَنۡ هُوَ صَالِ ٱلۡجَحِيمِ

si wonaa tawɗo on ko naatoowo ka Dulɓaynge.

وَمَا مِنَّآ إِلَّا لَهُۥ مَقَامٞ مَّعۡلُومٞ

[Maleykaaji mbi'i'i]: "Alaa e amen, mo alanaa ɗum, darorɗe ganndaande;

وَإِنَّا لَنَحۡنُ ٱلصَّآفُّونَ

Ko minen ngoni oni saffinaaɓe ɓeen;

وَإِنَّا لَنَحۡنُ ٱلۡمُسَبِّحُونَ

Ko minen kadi ngoni subbunhinotooɓe ɓen.

وَإِن كَانُواْ لَيَقُولُونَ

Ɓe ngoniino e bii'gol:

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ

"Hara deftere iwnde e adinooɓe ɓeen, no woodannoo min,

لَكُنَّا عِبَادَ ٱللَّهِ ٱلۡمُخۡلَصِينَ

min ngonayno jiyaaɓe Allah laɓɓinaaɓe.

فَكَفَرُواْ بِهِۦۖ فَسَوۡفَ يَعۡلَمُونَ

Ɓe njeddi nde, kono aray ɓe nganndoya !

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ

Gooŋɗii Konngol Amen ardinoke, fii jiyaaɓe Amen, Nulaaɓe ɓen,

إِنَّهُمۡ لَهُمُ ٱلۡمَنصُورُونَ

won'de pellet, ko kamɓe ngoni walleteeɓe ɓen,

وَإِنَّ جُندَنَا لَهُمُ ٱلۡغَٰلِبُونَ

e won'de ko konu Amen ngun, woni foolooɓe ɓen.

فَتَوَلَّ عَنۡهُمۡ حَتَّىٰ حِينٖ

Ɗuurno ɓee, ha e saanga;

وَأَبۡصِرۡهُمۡ فَسَوۡفَ يُبۡصِرُونَ

ndaaraa ɓe, ɓe aray nji'a!

أَفَبِعَذَابِنَا يَسۡتَعۡجِلُونَ

E hara ko lepte amen men ɗen ɓe keñorta?

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ

Si ɗe njippike ka tannde (dingiral)maɓɓe, haray bimmbi waajonooɓe ɓeen bonii !

وَتَوَلَّ عَنۡهُمۡ حَتَّىٰ حِينٖ

Ɗuurno ɓee, ha e saanga;

وَأَبۡصِرۡ فَسَوۡفَ يُبۡصِرُونَ

ndaaraa, ɓe aray nji'a!

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ

Senaare woodanii Joomi maa, Jeyɗo teddungal, e ko ɓe cifotoo !

وَسَلَٰمٌ عَلَى ٱلۡمُرۡسَلِينَ

Kisal wonii e Nulaaɓe ɓen,

وَٱلۡحَمۡدُ لِلَّهِ رَبِّ ٱلۡعَٰلَمِينَ

Jettooje ngoodani Allah, Jeyɗo winndere nden!